سیلاپ ءَ چہ  بزگیں  مردم آنی کمک کنگ  عبادت   ءَ چہ کم نہ انت،   ریسکیو  ءُ کمک ءَ چہ پد  بنیاتی کوکار  ءِ برجائی ٹوھیں جیڈھ ات،  مزن  وزیر شہباز شریف  ءِ ایوان ء، صنعت   ءُ تجارت  اسلام آباد ءِ ڈل ءَ گوں تران 

اسلام آباد۔30اگست  (اے پی پی): مزن وزیر  شہباز شریف  ءِ   دزبندی ءِ پدءَ   سیر لاپیں  مردم  سیلاپی آنی واستہ 2 کروڑ  کلدار ءِکمک داتگ وھدیکہ  مزن  وزیر  ءَ گوشت کہ سیلاپ  ءَ چہ کپتگیں  گس  ءُ مردم آنی کمک کنگ  عبادت ءَ چہ کم نہ انت، سرجمیں ملک ءَ لکھانی  مردم  اے وھد ءَ بے گس انت،  زوتیں رد  ءَ ریسکیو کمکءَ چہ پد  بنیاتی  کوکار ءِبرجائی  یک ٹوھیں  جیڈھ ات۔  اے ھیالانی درشانی آئی ءَ  سئے شمبے ءِ روچ ءَ ایوان  ءِ صنعت   ءپ تجارت اسلام آباد   ءِ ڈل  ءَ گون تران کنان ءَ کت۔ ڈل ءِ تہءَ  شکیل منیر،   جمشید اختر شیخ، محمد فہیم خان، میاں شوکت مسعود، احسن بختاوری، زبیر احمد ملک، طارق صادق، عامر وحید، اظہر الاسلام، چوہدری جاوید اقبال، رانا قیصر، اختر حسین، حنیف عباسی ءُ ایندگر  ھوار اتنت۔