اسلام آباد۔30اگست (اے پی پی): مزن وزیر شہباز شریف ءَ گوشت کہ امیت انت کہ میاں اوستمانی برات پاکستان ءَ سیلاپ ءِ آماچیں مردم آنی کمک ءُ برجائی ءِ واستہ یونائیٹڈ نیشن ءِ نیمگ ءَ چہ جار جتگیں فنڈنگ آناں سرجم کنگ ءَ وتی بھر ءَ مان کنت، حکومت ءَ سرجمیں ملک ءِ مردم آنی ریلفی ءِ واستہ فنڈ جوڑ کنتگ ءُ ڈن ملک ءَنندوکیں مردم آنی واستہ سیلاپ ءِ کمکی کوشست آناں کمک دیگ ءِ انتطامی کتگ۔ مزن وزیر کارگس ءِ مٰڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہبازشریف ءَ یورپین کونسل ءِ صدر چارلس مشیل ءَ ٹیلی فون ءِ سر ءَ رابطہ کت۔ صدر یورپین کونسل ءَ پاکستان ءَ ھور ءُ ھار ءِ نتیجگ ءَ گران بھائیں جانی تاوان ءُ ماڑی اآنی تاوان بار ءِ پد ءَ اپسوزی ء، درشان کت۔ مزن وزیر ءَ یورپی یونین ءِ صدر ءِ شگر ءُ منت واری گپت۔ کہ آئی ءَ 2015 ملین یورو ءِ کمک کتگ۔ مزن وزیر ءَ گوشت کہ یونائیٹڈ نیشن فلیش اپیل سئے شمبے ءَ چہ بنداست کنگ بیت ءُ اے امیت ءِ درشان کت کہ میاں اوستمانی برات یونائیٹڈ نیشن ءِ نیمگ ءَ چہ جار جتگیں فنڈنگ ءَ را سرجم کنگ ءَ وتی بھر ءَ مان کنت۔
