سوات۔30اگست (اے پی پی):پاک فوج ءِ سروک جنرل قمر جاوید باجوہ ءَ گوشتگ کہ سیلاپ ءِ سبب ءَ گیشیں جیڈھ بلوچستان ءَ انت آھودا سرجمیں کوچگ سیلاپ ءَ ریول کتگ اَنت، کوچگ ءِ نام ءَ نشان نیست۔ سندھ ءَ 4،4 فٹ آپ اوشتاتگ انت، تمبو آنی گیش ضلورت انت، ڈن ملک ءَ چہ ٹینٹس گوانک جنگ ءِ کوشست ءَ کنگ ءَ انت، فوج ءِ نیمگ ءَ چہ تمبو پجاری کنگ بوھگ ءَ انت، این سی او سی ءِ وڑی ءَ ہیڈ کواٹر جوڑ کنگ بوتگ آھودا آوانی ڈیٹا یکجا کنگ بنت، 2010 ءِ سیلاپ ءَ ھم اداس انچو تباہی ءُ دوارگ آواناں ھما جاہ آنی سر ءَ جوڑ کنگ اجازت دیگ ءِ ردئی کنگ بوتگ، زمہ وار آنی ھلاپ ءَ کانودی کاروائی کنگ بہ بیت۔ آ سئے شمبے ءَ سوات ءِ تر ءُ تاب ءِ موہ ءَ آماچیں مردم ءُ پستگیں مردم آنی گوما ترا ن کنگ ءَ ات۔ آئی ایس پی آر ءِ رد آرمی چیف جنرلقمر جاوید باجوہ ءَ تر ءُ تاب کانجو، سوات ءِ موہءَ کالام ءَ چہ ہیلی کاپٹر آنی وسیلگ ءَ شفٹ بوھوکیں آماچیں مردم آنی گوما گند ءُ نند کنان ءَ کت۔ کانجو کینٹ ءَ آیوکیں آماچیں ٹورسٹ فیملیز ھم ھوار انت۔ آرمی چیف ءَ کانجو کینٹ ہیلی پیڈ ءِ سر ءَ میڈیا ءَ گوں تران کنان ءَ لُکوکیں گپ ءُ تران ءَ کت۔ پاک فوج ءِ سروک جنرل قمر جاوید باجوہ ءَ گوشت کہ سیلاپ ءَ چہ باز تاوان بوتگ ایشانی کچ ءُ کساس انگت نہ بوتگ، سیلاپ ءَ چہ ٹوھیں کساس ءَ تاوان آنی کچ ءُ کساس ءِ واستہ سروے ضلعی انتظامیہ، صوبائی حکومت ءُ فوج یکجائی ءَ کار بکنت۔ آئیء۔ گوشت کہ کالام ءَ باز تاوان بوتگ، پل ءُ ہوٹل باز تباہ بوتگ انت۔ جنرل قمر جاوید باجوہ ءَ گوشت کہ 2010 ءِ سیلاپ ءَ ھم اے رنگیں تباہی نہ بوتگ ءُ دوارگ ھمے جاھانی تہءَ گس جوڑ کنگ ءُ نندگ ءِ موہ دیگ ٹوھیں ردئی ءِ درشان انت۔ زمہ وار آنی ھلاپ ءَ کانودی کاروائی بہ بیت۔ آئی ءَ گوشت کہ اے وھد ءَ درستاں چہ المی ایں کار کالام روڈ ءِ پچ کنگ انت۔ امیت انت کہ 6 ءَ بگر تاں 7 روچ ءِ اندر ءَ روڈ پچ بیت، کالام ءَ پستگیں مردم آناں در کنگ ءَ آں، کالام ءَ نوں ڈکال ءَ جاور ھال نہ انت۔ آئی ءَ گوشت کہ سیلاپی مردم آنی واستہ کمک ءِ دزبندی ءِ کنگ جوانیں رسپانس ات۔ آئی ءَ گوشت کہ اے وھد ءَ جتا جتائیں گہبودی ادارگ، سیاسی گل ءُ پاکستان ءِ ارد ءَ وتی ریلیف سنٹر پچ کتگ، این اسی او سی ءِ وڑیں ہیڈ کوارٹر جوڑ کنگ بوتگ ادا کمکی ڈیٹا یکجا کنگ بیت، ہیڈکوارٹر ءَ چہ وزیر ء، منصوبگ بندی کمکی روان دینت ۔ آئی ءَ گوشت کہ یو اے ای، ترکیہ ءُ چین ءَ چہ کمکی سمان آنی بالی جہاز آیگ ءَ بندات بوتگ، سعودی عرب ءُ گتر ءَ چہ بالی جہاز آیگ ءَ بندات بوتگ، دوستیں ملک آں چہ پاکستان ءَ را مصیبت ءِ وھد ءَ ایوک ءَ یل نہ کتگ، ان شاء اللہ آیوکیں وھد ء۔ ھم ایوک ءَ یل نہ کناں۔ آئی ءَ گوشت کہ پاکستانی ھاسیں رنگ ءَ ڈن ملک ءَ نندوکیں پاکستانی آنی رسپانس باز جوان انت، مارا آماچیں مردم آناں گس جوڑ کنگ ءُ دیگی انت، ما ان شاء اللہ آماچیں مردم آناں گس جوڑ کناں ءُ دیاں، اے انچوکیں ٹوھیں جیڈھ ءِ نہ اِت۔
