کوئٹہ۔ 30 اگست (اے پی پی) بلوچستان اٹی 3 فائبر آپٹک کیبل آن 2 کیبل ءِ چندی ہند آتیا نوکاپی دیر درینے۔ پی ٹی سی ایل لینڈ لائن و انٹرنیٹ سروس صوبہ نا منہ ضلع غاتیٹی جزوی وڑاٹ بحال کننگانے۔ پی ٹی سی ایل نا جی ایم ٹیکنیکل شوکت خواجہ خیل پارے کہ بلوچستان اٹی فائبر آپٹکس نا خرابی آن صوبہ نا 80 درسد ضلع غاتیٹی انٹر نیٹ سروس معطل ءِ۔ اوپارے کہ مستونگ نا خڑک مسٹ میکو کیبل ہم ڈغار اٹی شیف ہِننگ آن پنانے و فائبر آپٹکس نا خرابی نا سوب آن کوئٹہ ٹی انٹرنیٹ نا فراوانی پورو وڑاٹ معطل مس۔ مستونگ اٹی خراب آپٹک کیبل نا جوڑ جاڑ آن پد کوئٹہ ٹی جزوی وڑاٹ انٹرنیٹ سروس ءِ بحال کننگانے ولے انٹرنیٹ و لینڈ لائن سروس آتا پورو بحالی ٹی چندی دے لگنگ کیک۔ شوکت خواجہ خیل نا رداٹ پی ٹی سی ایل بلوچستان نا 70 ہزار صارف آتے انٹرنیٹ سروس فراوان کیک ولے ساڑی آ خراب موسمی حالیت آتا سوب آن داٹی تعطل بسنے۔
