بلوچستان نا پِر آن زہمی ضلع غاتیٹی الخدمت فاؤنڈیشن نا ریلیف آپریشن برجاءِ، جمیل احمد کرد

کوئٹہ۔ 30 اگست (اے پی پی) الخدمت فاؤنڈیشن بلوچستان نا صدر انجینئر جمیل احمد کرد پارینے کہ فاؤنڈیشن نا کنڈآن غٹ زہمی ضلع غاتیٹی ریلیف نا کاریم برجا ءِ ، الخدمت نا رضاکار و زموارآک سخی تا کمکا ٹ دے و نن ءِ اسٹ کرسا زہمی تا خذمت ، اوفتے راشن، تمبو تیار کن و خور سرکننگ تون اوار اوار درمان اٹی ہم اختہ ءُ، ہر بندغ، ادارہ و تنظیم وپارٹی بے پرخ رنگ و نسل زبان ہر علاقہ و ہرقوم انا خذمت کن مون آ بریر۔ داخیال آتا درشانی ءِ او صوبائی دفتر اٹی نوکاپ و پِر انا زہمی تا کمک، رپورٹ و ڈٹ بندی نا بابت اڈ ہلوک آ دیوان آن تران کرسا کرے۔ اوپارے کہ ساڑی آ پِر تیان بلوچستان نا گیشتر ضلع بھاز زیات زہمی مسنو، زہمی تا جانی و مالی نسخان تا پوروی وخت انا اہم ءُ گرج اسے، گڑاس علاقہ غاتیٹی زہمیک داسہ ہم کمک نا چاری ءُ، راشن، تمبوو ایلو گڑاتا بھاز زیات گرج ءِ۔