اسلام آباد۔30اگست (اے پی پی): مزن وزیر شہباز شریف ءَ گوشت کہ جمہوریہ ترکیہ ءِ صدر رجب طیب اردوان وتی کتگیں زبان ءِ رد ءَ پاکستان ءِ سیلاپ ءَ چہ آماچیں مردم آنی واستہ بنی آدمی کمکی گامگیج آنی سروکی ءَ کنگ ءَ انت۔ سئے شمبے وتی یک ٹویٹے ءَمزن وزیر ءَ گوشت کہ منی برات صدر طیب اردوان سیلاپ ءَ چہ آماچیں مردم آنی واستہ بنی آدمی کمک ءِ گامگیج آنی سروکی ءَ کنگ ءَ انت۔ آئی ءِ سروکی ءَ ترکیہ ءَ ٹوھیں کساس ءَ کمکی چست ءُ ایر آناں بندات کتگ، انوگ ءَ تاں 6 بالی جہاز کمکی سامان آناں زوران ءَ پاکستان ءَ پج اتگ انت۔ آئی ءَ گوشت کہ باندات گیش 2 بالی جہاز پج ائیت، ایشی ءَ ابید کمکی سامان آناں زوران ءَ ٹرین ءِ ھم انقرہ ءَ چہ پاکستان ءِ واستہ روادگ بوتگ۔
