اسلام آباد۔ 30 اگست (اے پی پی) حکومت پاکستان و اقوام متحدہ نوکاپ آن مروک آ بھسکاری نا رداٹ (اینو) سے شنبے نادے آ اقوام متحدہ نا باسک ملک آتیان ہلہلہ ئی کمک نا خواست کیرہ۔ دفترخارجہ نا ترجمان نا رداٹ وزیر خارجہ بلاول بھٹو زرداری اقوام متحدہ نا باسک ملک آتیان ہلہلہ ئی اپیل نا چرجوئی ٹی تران کیک۔ داوخت آ پاکستان نا امداد نا چرجوئی ٹی اقوام متحدہ نا سیکرٹری جنرل نا خصوصی ویڈیو کلہو اس شینک کننگک۔ بنجائی وزیر ڈٹ بندی، پاکستان اٹی اقوام متحدہ نا ریذیڈنٹ کوآرڈنیٹر و چیئرمین این ڈی ایم اے ہم ہلہلہ ئی خواست نا پروگرام آن تران کیک۔ جینوا ٹی پاکستان نا آخبتی مندوب، ریڈکراس نا انڈر سیکرٹری و اقوام متحدہ نا باسک ملک آتا نمائندہ غاک ہم ہلہلہ ئی اپیل نا پروگرام آن تران کیرہ۔
