اسلام آباد۔29اگست (اے پی پی):پاکستان ءِ سیلاپ ءَ چہ آماچیں مردم آنی کمک ءُ برجائی ءِ واستہ ترکیہ ءُ متحدہ عرب مارات ءَ چہ 6 بالی جہاز کمکی سامان آناں زوران ءَ پاکستان ءَ پج اتگ۔ آئی ایس پی آر ءِ رد ءَ پاکستان ءَ سیلاپی آنی کمک ءِ واستہ دوستیں ملک ءَ چہ پاکستان ءِ کمک ءُ برجائی ءِ کوشست ءَ کمک کنگ ءِ سوگند کتگ۔ اے رد ءَ ترکیہ ءَ چہ 4 فوجی جہاز کمکی سامان آناں زوران ءَ کراچی ءَ پج اتگ وھدیکہ عرب امارات ءَ چہ 2 فوجی جہاز نور خان ائیر بیس راولپنڈی ءَ پج اتگ انت۔ عرب امارات ءَ چیک فوجی جہاز ءِ مرچی بیگاہ ءَ نور خان ائیر بیس ءَ پج ائیت وھدیکہ چین ءَ چہ 2 جہاز آیوکیں 48 کلاک آنی تہءَ پاکستان ءَ پج انت۔ ھمے رنگ ءَ بحرین ءَ چہ سیلاپی آنی کمک ءِ واستہ کمکی سامان آنی یک جہاز ءِ پاکستان ءَ روان دیگ ءِ زبان کتگ۔ اے جہاز آنی وسیلگ ءَ آیوکیں کمکی سامان آنی تہءَ تمبو، درمان ءُ ورگی ءُ نوشگی وردن ءُ وراک ھوار انت۔
