ملتان۔ 29 اگست (اے پی پی) پاکستان مسلم لیگ (ن) نا نائب صدر مریم نواز سویلی پنجاب نا نوکاپ زدہ علاقہ غاتا دورہ ءِ کننگ نا بناءِ کرے۔ مریم نواز دوشنبے نا سہب اتون خصوصی جہاز انا کمک اٹ ملتان بالی پٹ آ سرمس۔ اونا اَرے کیپٹن صفدر، مسکوہی وزیر حوالکاری پرویز رشید و بنجائی وزیر داخلہ رانا ثناء اللہ ئسک ہم اوڑتون اوار ئسر۔ مریم نواز تینا بننگ آن دمدستی پد ملتان آن براستہ سڑک تونسہ کن روانہ مس۔ سویلی پنجاب نا زہمی علاقہ غاتا دورہ ءِ کننگ نا وخت آ او تونسہ ، راجن پور و ڈیرہ غازی خان آ کاہک۔ اونا دا دورہ نا چار آن پنچ دے اسکان برجاسلنگ نا گمان ءِ۔
