اسلام آباد۔ 29 اگست (اے پی پی) الیکشن کمیشن توشہ خانہ ریفرنس اٹی مسکوہی وزیراعظم عمران خان نا نابودی نا درخواست نا سماعت ءِ 7 ستمبر اسکان پد بٹے وخت اس کہ چیف الیکشن کمشنر عمران خان نا وکیل ءِ پارت کرے کہ او اسہ ہفتہ ٹی تینا ورندی ءِ جمع کرفے۔ دوشنبے نادے آ چیف الیکشن کمشنر نا کماشی ٹی پنچ باسکی بنچ توشہ خانہ کیس اٹ عمران خان نا نابودی کن دائر ریفرنس نا سماعت ءِ کرے۔ محسن شاہنواز رانجھا، علی گوہرئسک الیکشن کمیشن اٹ پیش مسر۔ اسپیکر قومی اسمبلی نا کنڈآن خالد اسحاق الیکشن کمیشن اٹ پیش مس۔ عمران خان نا کنڈآن بیرسٹر گوہر الیکشن کمیشن اٹ پیش مس، عمران خان ورندی جمع کرفنگ کن پین اِراہفتہ نا وخت خواہس۔ عمران خان نا وکیل موقف اختیار کرے کہ ایف آئی کیس اٹی اختہ ئسک ہنداخاطرآن ورندی جمع کرفنگ کتو۔ چیف الیکشن کمشنر پارے کہ دا بیرہ ریکارڈ نا باندات ءِ، داخہ وخت انت اکن لگنگ ءِ۔ الیکشن کمیشن ورندی جمع کرفنگ کن اسہ ہفتہ نا وخت تس۔ چیف الیکشن کمشنر پارے کہ بروک آ سماعت آن مست ورندی جمع کرفنگے۔ کیس انا سماعت ءِ 7 ستمبر اسکان پد بٹے۔
