اسلام آباد۔ 29 اگست (اے پی پی) چیئرمین سینیٹ محمد صادق سنجرانی پارینے کہ پاکستان و ترکیہ نا نیام اٹ دوستانہ تعلقداری مدام بے مٹ مسنے، برادر ملک ترکیہ نا نوکاپ زہمی تیکن وخت آ کمک آ منت واری ءِ ہرفنہ۔ سینیٹ سیکرٹریٹ نا رداٹ داخیال آتا درشانی ءِ او ترکیہ نا گرینڈ نیشنل اسمبلی نا اسپیکر مصطفیٰ سنتوپ تون ٹیل فون آ گپ وتران کرسا کرے۔ چیئرمین سینیٹ پارے کہ برادر ملک ترکیہ نا کنڈآن مشکل نا داساہت اٹی کمک آ منت واری ءِ ہرفنہ۔ محمد صادق سنجرانی پاکستان وترکیہ نا نیام اٹ دوستانہ تعلقداری مدام بے مٹ مسنے۔ ہڑتوم آ ملک آک مدام اسہ ایلو نا کمک ءِ کرینو۔ اوپارے کہ ہڑتوم آ ملک آتا الس و حکومت آتا نیام اٹ ہم آہنگی سفت نا قابل ءِ۔ ہر اہم فورم آ ہڑتوم آ ملک آک اسہ ایلو نا موقف نا پبی مخ تفی ءِ کرینو۔ پارلیمانی رابطہ غاتا مون آ دننگ آن ہڑتوم آ ملک آتا نیام اٹ تعلقداری پین سوگو مریک۔ محمد صادق سنجرانی پارے کہ برادر ملک ترکیہ نا نوکاپ زہمی تیکن وخت آ کمک آ منت واری ءِ ہرفنہ۔ ٹیل فون آ گپ وتران کرسا ترکیہ نا گرینڈ نیشنل اسمبلی نا اسپیکر مصطفیٰ سنتوپ پارے کہ پاکستان اٹی ساڑی آ پِر و نوکاپی حالیت آتا رداٹ جانی و مالی نسخان تیا بھاز است ہسونی مس۔ نوکاپ اٹی زوال کروک آ بندغ آتیکن ہڑزخواہی و ٹھپی مروک آتا زوت دراخ جوڑی کن دعا کینہ۔ اوپارے کہ مشکل نا داساہت اٹی پاکستانی الس و حکومت تون سلوک اُن۔ پاکستان و ترکیہ مدام مشکل نا ساہت اٹی اسہ ایلو تون تفینو۔ اسپیکر مصطفیٰ سنتوپ پارے کہ پاکستان نا مشکل وخت اٹی ہرممکن کمک ءِ کننگک۔
