نوشہرہ۔ 29 اگست (اے پی پی) وزیراعظم شہباز شریف نوشہرہ اینو(دوشنبے نادے آ) نوکاپ نا حالیت و ریسکیو و کمکی کارروائی تا جاچ ءِ ہلنگ کن نوشہرہ نا دورہ ءِ کرے۔ وزیراعظم شہباز شریف نوشہرہ ٹی مردان پول آ نوکاپ نا حالیت آتا ہم جاچ ءِ ہلک۔ مردان پول آ وزیراعظم ءِ دریائے کابل اٹی نوکاپی حالیت و برجا ریسکیو کارروائی تیا سرجمی اٹ حوال تننگا۔ وزیراعظم مخلوق ءِ رکھ ہند آتیا سرکننگ و دمدستی ریسکیو کن غٹ تر وسیلہ غاتے کاریم اٹ اتنگ نا پارت جاری کرے۔ وزیراعظم اوکان پد گورنمنٹ کامرس کالج نوشہرہ ٹی نوکاپ زہمی تیکن جوڑ کروک آ کمکی کیمپ آ ہم ہنا۔ کمکی کیمپ اٹی وزیراعظم میڈیکل کیمپ انا دورہ ءِ کرے و نوکاپ زہمی تتون اوڑدہی کرے۔
