نوشہرہ۔ 29 اگست (اے پی پی) وزیراعظم محمد شہباز شریف دوشنبے نادے آ خیبرپختونخوا نا نوکاپ آن زہمی علاقہ غاتا دورہ ءِ کرے و نوکاپ نا حالیت و کمکی کارروائی تا جاچ ءِ ہلک۔ وزیراعظم نوشہرہ ٹی جوڑ کروک آ کمکی کیمپ انا دورہ ءِ ہم کرے۔ داوخت آ وزیراعظم شہبا ز شریف ءِ نوشہرہ ٹی نوکاپ نا حالیت، ریسکیو و کمکی کارروائی تیا حوال تننگا۔ وزیراعظم شہباز شریف نوشہرہ ٹی مردان پول آ نوکاپ نا حالیت آتا جاچ ءِ ہلک۔ وزیراعظم ءِ دریائے کابل اٹی نوکاپی حالیت و ریسکیو کن گام گیج آتیا سرجمی اٹ حوال تننگا۔ وزیراعظم مخلوق ءِ رکھ ہند آتیا گدریفنگ و دمدستی ریسکیو کن غٹ تر وسیلہ غاتے کاریم اٹ اتنگ نا پارت کرے۔ داوخت آ بنجائی وزیر پارلیمانی امور مرتضیٰ جاوید عباسی و وزیراعظم نا سلاہکار انجینئر امیر مقام ئسک ہم ساڑی ئسر۔
