مزن  وزیر  شہباز شریف  ءِ بلوچستان ءِ واستہ  10ارب کلدار ءِ گرانٹ  ء، جار،   اچ  ھکداریں مردم  مالی کمک ءِ پیکیج ءَ چہ  پشت نہ کپ ائیت،  میڈیا ءَ گوں تران

جعفر آباد۔28اگست  (اے پی پی): مزن  وزیر محمد شہباز شریف ءَ استیں  ھور ءُ سیلاپ ءِ جاور  ھال آں گوں  گر  ءُ چیل ءُ  آماچیں   مردم آنی  کمک ءُ برجائی ءِ واستہ صوبہ بلوچستان ءِ واستہ 10  ارب کلدار ءِ گرانٹ  ءِ  جار جتگ۔  یک شمبے ءِ روچ ءَ سیلاپ ءَ چہ آماچیں   کوچگ  حاجی اللہ دینو ءِ  تر ءُ تاب ءَ چہ پد   میڈیا  ءَ گوں تران کنان ءَ مزن وزیر ءَ گوشت کہ من وتی زندمان   ءَ اے رنگیں  تباہی  ءُ سیلاپ  نہ دیستگ۔  آئی ء۔ گوشت کہ  سرجمیں ملک ءَ  بوھوکیں  استیں  ھوار   ءُ   سیلاپ  ءِ  گوست ءَ اچ  درور نہ رس ائیت۔   آئی ءَ گوشت کہ   ایوک ءَ نہردگ  ءِ جنگ ءَ چہ موسمی  مٹ   ءُ بدلی ءُ کدرتی   ہار ءُ سیلاپ  ءِ  رند پد   آناں کم کنگ بوت نہ کنت۔  مزن وزیر  آماچیں مردم آنی  برجائی ءِ ھوالگ ءَ  ترندیں ازمت  ءِ ضلورت ءِ   ءِ سر ءَ  زور پر دیان ءَ   گوشت کہ ملک ءَ سیلاپ ءِ جاور   ھال آنی سر ءَ   گر ءُ دار ءِ واستہ مارا ایندگر  ملک آنی تکنیکی  کمک  پکار  بیت  ءُ آیوکیں  باندات ءَ  کدرتی  ہار  ءُ سیلاپ آنی گر ءُ  دار ءِ  واستہ  سرمایہ کاری  کنگ لوٹ ائیت۔ مزن وزیر  بازیں  سیاسی سروک آنی دروگیں بیان  آناں رد کنان ءَ   گوشت کہ دروگیں بیان آں چہ راج گمراہ کنگ بوت نہ کنت۔  زیکیں  دیوان ءَ توامیں  جیڈھ آناں  چار ءُ تپاسی گپتگ  دراج بریں  ءُ  زوتیں  گامگیج آنی واستہ پالیشی رد ءُ بند کنگ  بیت،  سیلاپ  ءِ سبب ءَ  چاریں  نیمگ  ءَ  آپ انت سیلاپ ءِ  تباہی   سرجمیں ملک ءَ  شنگ انت  ایشی ءَ چہ یک ہزار   ءَ چہ  گیش مردم بیران بوتگ انت،  ورگی ساپیں آپ  ءِ پجاری ءِ واستہ گامگیج کنگ بوھگ ءَ انت۔   خرم دستگیر  ءَ  را پنت ءُ شون جاڑی کتگ کہ بلوچسان  ءَ  سر  بئے گڈا بجلی ءِ   نظام ءِ  نگرانی ءَ  وت بکن،  ترکی ، یو اے ای  ءُ ایران ءِ  صدر آں گوں  رابطہ کتگ  ءُ  پاکستانی  الس ءِ گوما   یکوئی ءِ درشان  کتگ۔   ترکی ءُ یو اے ای  ءَ چہ  کمکی سامان  پجگ بندات بوتگ۔   ملک ءِ سیر لاپیں  مردم آں گوں دزبندی انت کہ  گوست  ءِ وڑیں سکیں   ساھت آنی تہ ءَ وتی  برات  آناں کمک  بکن انت۔  پاک فوج  شپ روچ  کمکی کار  آنی  گوما دزگٹ انت۔  مزن وزیر  محمد شہباز شریف ءَ یک شمبے ءِ روچ ءَ بلوچستان ءِ سیلاپ  ءَ چہ آماچیں  ضلع  جعفر  آباد  ءِ کو چگ  اللہ دینو  ءَ میڈیا  ءَگوں تران کنان ءَ کت  سیلاپ ءَ چہ سرجمیں ملک ءِ تباہی  کتگ  پدا  ھم سندھ  ءُ بلوچستان  سیلاپ  ءَ چہ گیش  آماچ بوتگ  انت۔  پیرئی خیبر پختونخوا  ءَ سوات  ءُ دیر، کالام ءِ دمگ  ءَ  ھار  ءِ آماچ بوتگ انت،   کور ے   سر ءَ جو ڑ بوتگیں  گس ءُ ہوٹل  پرشتگ  ءُ  تباہ بوتگ انت۔  آئی ءَ گوشت کہ سرجمیں ملک ءَ 1000 ءَ چہ  گیش مردم   بیران بوتگ انت  ءُ  کشار  آناں  سک باز  تاوان رستگ۔  مزن وزیر ءَ  گوشت کہ استیں سیلاپ  2010  ءِ  سیلاپ  ءَ چہ  سک باز  گیش انت،  بازیں آپ  بوھگ ءِ سبب ءَ   کشار آناں   تاوان رستگ۔  مزن وزیر  ءَ  گوشت کہ استیں  سیلاپ 2010  ءِ سیلاپ ءَ چہ باز گیش  انت۔  بازیں  آپ بوھگ  ءِ سبب ءَ جتا جتائیں  جیڈھ آنی گوما  دیم پہ دیمی انت۔    آئی ءَ گوشت کہ بلوچستان ءِ سر وزیر میر عبدالقدوس بزنجو   ءِ زیر نگرانی  ءَ آئی ءِ  ٹیمب  ءُ   حکومت ءِ ھمبراھیں سیاسی  پارٹی آنی باسک  شپ ءُ روچ  الس ءِ ازمت  ءَ   گوں دزگٹ  انت،  مردم آناں  وردن ءُ وراک  ءُ ساپیں آپ  ءِ پجاری  ءُ ایندگر  آسراتی پجاری  کنگ بوھگ ءَ انت۔  آئی ءَ گوشت کہ سکھر ءَ چہ بلوچستان ءِ کشک بند انت  ایشی ءِ  برجائی  ءِ پنت ءُ شون کتگ   ایش مرچی شپ ءَ تاں  سرجم     کنگ بیت۔   آئی ءَ گوشت کہ   کشک ءِ برجائی   ءَ چہ  کمکی سامان آنی شنگ ءُ  تالان ءَ کمک رسیت۔  مزن وزیر ءَ گوشت کہ  سیلاپ ءِ سبب ءَ  لین ءِ  کھمبہ کپتگ انت ءُ  ٹرانسفارمرز   آناں تاوان رستگ۔  آئی ءَ گوشت کہ  بنجاھی وزیر  ھاٹیگ  خرم دستگیر  ءَ را پنت ءُ شون کتگ کہ آ دمگ  ءَ توان  ءِ   کمیگ  ءُ  شنگ ءُ تالانی  ءَ را  برجا  کنگ ءِ  کار ءِ نگرانی ءَ بکنت۔   آئی ءَ  گوشتکہ دوشی  ایرانی صدر،  ترک  صدر  ءُ    یو  اے اے  ءِ صدر ءَ  فون  ءِ سر ءَ گپ کتگ۔  آئی ءَ  پاکستان  ءِ  22  کروڑ  الس  ءِ واستہ  وتی ڈکھ ءُ  اندوھ آنی  درشان کت۔  گیر ملکی در  ءَ گوشت کہ اے وھد ءَ پاکستان ءِ کروڑ  آنی مردم مشکل  ءِ توک ءَ انت۔  آئی ءَ گوشت کہ آ  پاکستان ءِ حکومت  ءِ گوما    گیشاں چہ گیش  کمک  کن  اَنت۔   مزن وزیر ءَ گوشت کہ ترکی  ءَ چہ  کمکی سامان   ءِ جہاز  کراچی ءَ پج  ءَ انت وھدیک  یو  اے ای ءَ چہ کمکی سامان آنی جہاز  اسلام آباد ءَ  پج ائیت۔  آئی  ءَ گوشت کہ  من دوستیں ملک آنی صدر  آنی شگر  ءُ منت وار آں کہ آواں  گوست  ءِ وڑ  ءَ پاکستان ءِ گوما   ھمگام  بوتگ انت۔  مزن وزیر   ءَ گوشت کہ ایندگر دوستیں ملک آں  چہ کلوہ پیداک انت،  ءُ برطانیہ ءَ   1.5 ملین پائونڈ   ءِ کمک ءِ جار جتگ۔  آئی ءَ گوشت کہ  سکیں ساھت ءَ  وڑا   کروڑانی پاکستانی  آنی کمک  ءَ  سرجمیں ملک ءِ سیر لاپیں مردم  آں گوما دست بندی کناں کہ وتی کروڑانی  پیریں  ءُ  گونڈیں زھگ ءُ  زالبول ءُ  برات ءُ گہار آنی کمک  ءَ  بکن ات   ایش شمبے کمک ءِ وداریگ اَنت۔  گوست  ءِ وڑا   آوانی دست ءَ  بگر ات،  اللہ  پاک ءِ داتگیں  حلالیں  رزق ءَ چہ  ایشاناں کمک بکن ات۔  مزن وزیر ءَ گوشت کہ  دوشی یک مردمے ءَ 6 کروڑ  کلدار  کمک داتگ  ءُ گوشتگ کہ منی نام  گرگ مہ بیت،  ھمے رنگ ءَ یک بزرگے ءِ  نیمگ ءَ مزن وزیر  فلڈ ریلیف  فنڈ ءَ 45  کروڑ کلدار ھم جما کنائینگ  بوتگ۔  آئی ءَ گوشت کہ مرچی  شپ تاجر   آنی گل  آں گوں گند ءُ نند کنگ بیت  ءُ  ا ھم وتی  وطن ءِ  مردم آنی  واستہ کمک پجاری کن اَنت۔  مزن وزیر  ءَ گوشت کہ پاکستان ءِ الس  ٹرک  آنی  ھساب ءَ  وتی   آماچیں مردم آنی واستہ  سامان   روان دیگ ءَ انت۔ آئی ءَ گ وشت کہ وتی زندمان ءَ  اے وڑیں  سیلاپ ءُ  ھار نہ دیستگ  ایشی ءَ چہ  کوچگ آنی کوچگ  زمین ءِ سر ءَ ساپ  بوتگ انت۔ ہزارانی مردم بیران بوتگ انت  ءُ کروڑانی مردم  بے  گس بوتگ انت۔   آئی ءَ گوشت کہ   بنجاھی حکوتم  سرجمیں ملک ءَ آماچیں  مردم آناں  25  ہزار کلدار  ھمک ھاندان  پجاری کنت ءُ  38 ارب کلدار   ایش بنت۔  آئی ءَ گوشت کہ اے زر بے نظیر انکم سپورٹ  پروگرام  ءُ این ڈی ایم   اے ءِ وسیلگ ءَ  ساپ ءُ سلہ ایں  رنگ ءَ پجاری کنگ  بنت  تانکہ ھک ھکدار ءَ تاں بہ پج ائیت۔  مزن وزیر ءَ گوشت کہ نگدی زر ءِ  کمک   پجاری  ءِ کار یک ھپتگے ءَ   سرجم بیت۔   آئی ءَ گوشت کہ بلوچستان  ءِ سر وزیر   ءَ بریفنگ  ءَ گوشتگ ءُ  بلوچستان ءَ بوھوکیں  تباہی ءَ را  من دیستگ،  ھمے رنگ ءَ سندھ ءَ ھم  بے کساس  تباہی بوتگ۔  آئی ء۔ گوشت کہ مرچی  وھد  سکھر ءَ   چہ پیداک اتاں گڈا دریائے سندھ  ءِ آپ ءَ چہ ھمک نیمگ ءَ تباہی  کتگ۔   بنجاھی حکومت ءَ سندھ  حکومت  ءَ را 15 ارب  کلدار ءِ کمک  داتگ۔  مزن وزیر  ءَ گوشت کہ  من توامیں   سر وزیر   ءُ آوانی  ٹیمب ءِ شگر ءُ منت وار آں   آ شپ ءُ روچ  کار کنگ ءَ انت ،  محکمہ جان سلامتی  ءِ ٹیمب  ھم ٹوھیں  ازمت   ءَ چہ سیلاپ ءِ آماچیں    مردم  ءُ آوانی  دلوت آنی  کمک  پجاری ءَ دزگٹ انت۔   مزن وزیر  محمد  شہباز شریف  ءَ گوشت کہ آرمی چیف  ءُ نیول  چیف ءَ گوشت کہ ل آئی  ءِ ٹیمب  ھم سیلاپ   ءَ چہ  آماچیں دمگ  آنی  تہ ءَ کمکی کار  کنگ ءَ انت وھدیکہ    رسانک ءِ  مھتلی ءَ چہ درجن آنی  ہیلی کاپٹر  ءَ چہ کمکی کار    گرگ بوھگ ءَ انت۔  اے   وھد ءَ  50 ہزار   مردم   آناں   محفوظیں  ھند آناں  شفٹ کنگ  بوتگ۔  آئی   ءَ گوشت آرمی  ءُ نیوی ءَ ھوار ایندگر  ادارگ   آنی  ہیلی کاپٹر  ھم  کمکی کار ءَ دزگٹ  انت۔  مزن وزیر ءَ گوشت کہ  زیک اسلام آباد  ءِ  دیوان  ءَ توامیں  جیڈھ آناں  چار ءُ تپاسی ءُ  پالیشی رد ءُ  کنگ بیت۔  آئی ءَ گوشت کہ  2010  ءَ   اتکگیں سیلاپ ءَ چہ 2022  ءِ سیلاپ  ءَ چہ سک باز  گیشتر ءُ مستر  انت۔  آءی ء۔گ وشت کہ مارا عملی کار کنگی انت ءُ  نہردگ  آنی سر ءَ نہ بیت۔  آئی ءَ گوشت کہ  این ڈی ایم  اے  ءُ پی ڈی ایم  اے یکجائی ءَ  برجائی  منصوبگ  تیار کنگ ءَ انت  ایشی ءَ چہ بنجاھی حکومت  گرانٹ  دیگ ء۔ انت۔  آئی ءَ گوشت کہ بلوچستان ءِ صوبائی حکومت  ءِ توامیں    ھمبراہ  یکائی ءَ  الس   ءَ تاں  ھک  پجاری  ءَ کناں،  پاکستان سکیں  اے ساھت ءَ  گر ءُ دار     کنان ءَ  انشاء اللہ  دیمروئی ءِ منزل آں  پج ائیت۔