ترکیہ ءَ چہ کمکی سامان   آناں زوران ءَ دو جہاز  مرچی دو شمبے ءَ  کراچی  ءَ  پج ائیت،  مریم اورنگزیب

اسلام آباد۔28اگست  (اے پی پی): بنجاھی وزیر اھوالکاری  ءُ شنگ کاری مریم  اورنگزیب ءَ  گوشتگ کہ ترکیہ ءَ چہ کمکی سامان آں زوران ءَ  دو جہاز   مرچی دوشمبے ءَ  کراچی  پج ائیت۔ یک شمبے ءِ روچ ءَ وتی ٹویٹ ءَ آئی ءَ گوشت کہ کراچی ءَ  ترکی ءَقونصل جنرل  ائیرپورٹءَ کمکی سامان  پاکستانی  کارندہ آنی ھوالگ ءَ کنت۔  کمکی سامان  آنی تہ ءَ تمبو، درمان ءُ ایندگر سامان ھوار انت۔ یات دارگ بہ بیت کہ مزن وزیر شہباز شریف  ءِ ترکیہ ءِ صدر رجب طیب  اردوان ءَ گوں  گوستگیں روچ ءَ ٹیلی فون ءِ  سر  ءَ تران کتگ ات۔  اے موہ ءِ سر ءَمزن  وزیر  شہباز شریف  ءَ  ترکی  ءِ صدر  ءَ را پاکستان  ءَ سیلاپ ءِ  تباہ کاری آنی  ھوالگ ءَ  تران کتگ ات۔ وزیرءِاھوالکاری ءَ  گوشتکہ  ترکیہ ءَ چہ گیش کمکی سامان آیگ ءِ امیت انت۔ آئی ءَوتی ٹویٹ ءَ کمکی سامان  آنی اکس  ھم شنگ کت۔