انوگیں سیلاپ  ءَ چہ ناں ایوک ءَ  پاکستان بلکینگ ءَ ایشیا ءِ  تاریخ ءِ درستاں چہ مستریں  سیلاپ اِنت،  محمد صادق سنجرانی

اسلام آباد۔27اگست  (اے پی پی):چیئرمین سینٹ محمد صادق سنجرانی ءَ گوشتگ کہ انوگیں سیلاپ نا ایوک ءَ  پاکستان  بلکینگ ءَ ایشیا ءِ تاریخ ءِ  درستاں چہ مستریں  ٹوھیں سیلاپ انت،  اے وڑیں  مشکل راج آنی سر ءَ کئیت۔ پاکستانی راج   سکیں ساھت ءَ   آماچیں مردم آنی کمک جوڑ بیت  سکیں ساھت ءَ اے راج ءِ  مٹوئی ءَ  اے  راج   ءُ کٹم کت نہ کنت۔   پاکستانی راج آماچیں مردم آنی کمک ءِ واستہ   تیار بوتگ، ما پیسر ءَ چہ معاشی مشکلہ  آنی  آماچ  بوتگ    انت نوں  مردم آنی برجائی   ءِ جیڈھ است انت،  سیلاپ  ءِ آماچیں  مردم آنی برجائی  ءُ کمک ایوک  ءَ  حکومت  کت نہ کنت پاکتان ءِ توامیں  سیر لاپیں مردم آناں   دیم  ءَ   بیا انت  حکومت ءِ  گوما ھمکوپگ بہ بنت، پاکستان ءِ  توامیں  سیر لاپیں   مردم   وتی راج ءَ  کمک بکن انت۔  آئی ءَ  گوشت کہ من  سرجمیں  راج  ءَ گوں  دزبندی  کناں کہ  دیم ءَ بیا ات ءُ  سیلاپی  آنی کمک ءَ بکن ات۔  اے ھیالانی درشانی ءَ  شمبے ءِ روچ ءَ نیشنل پریس کلب ءِ ڈن ءَ پاکستان  سویٹ  ہوم، پاکستان فیڈرل  یونین  آف جرنلسٹس  ءُ  این  پی سی ءِ  یکجائی ءَ سیلاپ ءِ  آماچیں مردم آنی  کمک ءِ وستہ جتگیں کیمپ ءِ تر ءُ تاب ءِ  موہ ءَ   کت۔  صادق سنجرانی ءَ گوشت کہ پاکستانی  ءَ آیوکیں   استیں سیلاپ تاریخ  ءِ درستاں چہ مستریں سیلاپ انت ۔