ترک صدر رجب طیب ارددوان ءِ مزن وزیر شہباز شریف ءَ را ٹیلی فون، سیلاپ ءَ چہ جانی تاوان  بار آنی پد ءَ دلپدری

اسلام آباد۔27اگست  (اے پی پی):جمہوریہ ترکیہ  ءِ صدر رجب طیب  اردوان ءَ شمبے ءِ روچ ءَ مزن وزیر محمد شہباز شریف ءَ گوں  ٹیلی فون ء، سر ء۔ رابطہ  کت ءُ   ھور ءُ ھار   ءُ سیلاپ  ءَ چہ بوھوکیں جانی تاوان ءُ مالی تاوان   بار آنی ھوالگ ءَ دلپدردی ءِ درشان کت ءُ  گوشت کہ آئی ءِ ملک مدام  پاکستان ءِ  کمک ءَ کنت۔  مزن وزیر  ء۔ ترک صدر  ءَ را پاکستان  ءَ سیلاپ ءِ تاجگیں  جاور ھال ءُ  زوتیں ایمرجنسی بنیات ءَ  کمک پجاری کنگ ءِ واستہ حکومتی کوشست  آنی بابت ءَ  سر پد کت۔  مزن وزیر ءَ اے گپ ءِ سر ءَ   چمشانک دات کہ پاکستان ءَ جون  2022  ء، نیام ءَ  ریکاٹی ھور آنی گوما    نہ وشیں  مون  سون   موسمی  جاور  ھال آنی گوما دیم پہ دیمی انت۔  سیلاپ ء۔ چہ ملک ءِ جتا  جتائیں بھر آنی سر ءَ  ٹوھیں  کساس ءَ  تباہی  بوتگ،  ایشانی نتیجگ ءَ  بنی آدم ،  معاش ءُ بنیاتی کوکار  ءَ را  ٹوھیں کساس ءَ تاوان  رستگ۔  مزن وزیر ءَ   گوشت کہ ھور  آنی ساھت ءَ انفراسٹرکچر   ءَ را سک باز تاوان  پجگ ءَ ابید حکومت ءِ آماچیں  دمگ آں تاں  پجاری ،  مردم آنی   لڈ  ءُ بار ءُ  کمک پجاری ءِ واستہ توامیں کوشست  کنگ ءَ انت۔   مزن وزیر ء۔ گوشت کہ پاکستان ءَ  "یونائیٹڈ نیشن ءِ وسلیگ ءَ  زوتیں کمک  ءِ  دزبندی”   تیار کتگ  ایش 30 اگست 2022  ءَ بندات کنگ بیت ءُ  اے  امیت سہرا کت کہ   میاں اوستمانی برات  اے زوتیں  اپیل ءِ پد ءَ فنڈنگ  ءِ  ضلورت ءَ را  پیلو کنگ ءَ  وتی کرد  ءَ پیلو  کن انت۔  مزن وزیر    ءَ بنی آدم دوستی  رد ءَ   کمک    ءِ پد ءَ  صدر  رجب طیب  اردوان  ءِ شگر ءُ منت واری گپت۔  دو نیمگی  چار ءُ بچار  ءِ رد ءَ  مزن وزیر  ءَ توامیں  شوبگ آنی تہ   ءَ   یکوئی آنی دیمروئی  دیگ ءِ جزم ءِ درشان کت۔  آئی  ءَ جموں  کشمیر ءِ مردم آنی واستہ   ترک   آنی  واھگ ءُ ھمراھ داری  ءِ پد ءَ   صدر رجب طیب  اردوان ءِ شگر ءُ منت واری گپت۔