وزارت  ءِ درئی کار  اوورسیز پاکستانی  آناں سیلاپ ءِ فنڈ ءَ  کمکی زر جم کنائینگ ِ واستہ  سر  ءُ سوج  بکن  ات،  توامیں مشن  وتی ویب سائیٹ  ءِ  سر ءَ مالومداری پجاری  بکن انت،  بنجاھی وزیر منصوبگ بندی  ءُ دیمروئی  ءُ  چیئرمین  بنجاھی  فلڈ ریلیف  کمیٹی احسن  اقبال

اسلام آباد۔27اگست  (اے پی پی): بنجاھی  وزیر منصوبگ بندی  ءُ دیمروئی  ءُ بنجاھی فلڈ ریلیف  کمیٹی  ءِ چیئرمین  احسن  اقبال ءَ  وزارت ءِ   درئی کار ءَ را   پنت ءُ شون کت کہ اوورسیز پاکستانی  سیلاب  فنڈ ءَ  کمکی زر  آنی  جم کنائینگ ءِ واستہ سر ءُ سوج بکن انت،  توامیں مشن  وتی ویب سائیٹ  ءِ سر ا مالوم داری پجاری  بکن انت۔  بنجاھی وزیر  ءَ گوشت کہ کمیونٹی  ءِ  گوما یکجائی ءَ  سیلاپ ءَ چہ آماچیں مردم آنی کمک  ءِ واستہ  جوانیں  گامگیج  بندات  کنگ  بہ بیت۔  شمبے ءِ روچ ءَ  وتی  یک بیانے ءِ تہ ءَ آئی ءَ گوشت کہ  موسمی  مٹ ءُ بدلی ءِ   اے ھور ءُ ہار ءَ گوں  سرجمیں  راج یک مشتی ءَ  رکھگ ءِ کوشست ءَ کنت۔  بنجاھی وزیر ءَ  گیش گوشت کہ  بنجاھی حکومت  سلاھ بندی  ارد ءِ گوما یکجائی ءَ صوبائی حکومت  آنی  گیشاں چہ گیش کمک کنگ ءَ انت۔  آءی ءَ گوشت کہ پاکستانی راج ءَ  2005  ءُ 2010    ءِ سیلاپ ءَ  را گوں دلیری ءَ  مقابلہ کتگ بوتگ۔  احسن اقبال  ءَ گوشت کہ  اے وھد  ءَ اولی  کار ریکسیو ءُ ریلیف  آپریشن  انت، سیلاپی آپ  ءِ جھل کپگ ءَ چہ پد  الس ءَ را دوارگ  آبات کاری ءِ  واستہ  گیشاں چہ گیش کمک کنت۔