مارا گوں مزن جگری ءَ  کار کنگ لوٹ ایت  ءُ یک مشتی ءَ  استیں جاور ھال آں گوں گر ءُ چیل  بوھگی انت، پاک فوج ءُ کمکی  ٹیمب یک  شلی ءَ  کمکی کار  آنی گوما دزگٹ انت،  مزن وزیر  محمد شہباز شریف

اسلام آباد۔27اگست  (اے پی پی): مزن وزیر  محمد شہباز شریف  ءَ گوشت کہ مارا   گوں دلیری ءِ گوما کار کنگی انت ءُ  یکجائی ءَ استیں جاور ھال آنی گوما گر ءُ چیل بوھگی انت،  سیلاپ ءَ  چہ سندھ ءَ بازیں تباہی بوتگ  ءُ باز تاوان بوتگ۔ چاریں نیمگ ءَ  آپ ہی آپ انت، پاک فوج ءُ  کمکی  ٹیمب  یک شلی ءَ کمکی کار آنی  گوما دزگٹ انت۔ سندھ ءَ  سیلاپ ءَ چہ آماچیں دمگ آنی  تر ءُ تاب ءُ کمک ءُ برجائی  ءِ  ھاترا کار  آنی سر ءَ چار ءُ تپاسی  ءِ واستہ شمبے ءِ روچ ءَ  مزن وزیر ءَ صوبہ ءِ سندھ   ءَ ضلع  سجاول  ءَ پج ات  گڈسا مزن وزیر ءَ سیلاپ ءِ آماچیں مردم آنی کمک ءُ  انفراسٹرکچر   ءِ برجائی  ءِ   ھوالگ  ءَ  بریفنگ دیگ بوت۔   اے موہ گوں تران  کنان  ءَ مزن وزیر محمد  شہباز شر یف  ءَ گوشت کہ سیلاپ ءَ چہ  سندھ ءَ تباہی  مچ اتگ ءُ باز تاوان بوتگ۔  آئی ءَ گوشت کہ  من دیستگ کہ  چاریں نیمگ ءَ  آپ  ہی آپ بوتگ۔  مزن وزیر ءَ گوشت کہ  گوریچانی دمگ  آنی تہ  ءَ باز ھور  ءُ ہار آنی سبب ءَ  بازیں مردم بیران بوتگ انت۔  مزن وزیر  ءَ گوشت کہ  بازیں  مردم آناں  ریسکیو  کنگ بوتگ  ءُ آواناں  آسودگیں  ھند آنی سر ءَ ٹرانسفر کنگ بوتگ۔  آئی ءَ گوشت کہ مارا  لوٹ آنی رد ءَ صوبائی  حکومت  ءِ گوما یکجائیں رنگ ءَ پالیشی جوڑ  کنگ بہ بیت۔