مزن وزیر ءَ بجلی ءِ کارمرز کنوکانی شکایت ءَ را گیش ء ُ گیوار  کنگ ءِ ھاترءَ  مزن  تک ءِ کمیٹی  جوڑ کتگ، تاں 200  یونٹ ءِ بل آں جار جتگیں ریلیف 24 کلاکاں ہوار کنگ ءِ پنت ء ُ شون کتگ ، مریم اورنگزیب

اسلام آباد۔26اگست  (اے پی پی): حال ء ُ اھیوا ل کاری ءُ شنگکاری ءِ بنجاہی وزیر مریم اورنگزیب ءَ گشتگ کہ مزن وزیر ءَ بجلی ءِ کارمرز کنوکانی شکایت ءَ را گیش  ءُ  گیوار کنگ ءِ ھاترءَ مزن تک ءِ کمیٹی جوڑ کتگ۔ مزن وزیر ءَ تاں 200 یونٹ ءِ بجلی کارمرز کنوکانی بل آناں جار جتگیں ریلیف ءَ را 24 کلاکانی تہا ہوار کنگ ءِ  پنت ءُ  شون کتگ۔ جمعہ ءِ روچءَ  وتی ٹویٹءِ تہا بنجاہی وزیر مریم اورنگزیب ءَ گشتگ کہ مزن وزیر ءِ پنت ء ُ شون  اِنت کہ 24 کلاکانی تہا ریلیف ءِ ردءَ  بجلی کارمرز کنوکانی بل کم کنگ بہ بنت۔ بجلی ءِ بل آناں شر کنگ ءِ ھاترءَ ڈسکوز ءِ اسٹاف 24 کلاکانی تہا  کار بہ کنت، بل آنی شرکنگ ءِ ھاترءَ درائیں اسٹاف ءِ موکل ہلاس کنگ بوتگ اَنت، بل جمع کنگ ءِ ھاترءَ بینک  موکل ءِ روچاں ہم  پچ  کنگ بنت ۔