مزن وزیر شہباز شریف بجلی ءِ تاں 200 یونٹ کارمرز کنوکانی بل آناں 24 کلاکانی تہا کم کنگءِ پنت ء ُ شون، بل آنی شر کنگءِ ھاترءَ ڈسکوز ءِ عملہ 24 کلاکاں کار بہ کنت

اسلام آباد۔26اگست  (اے پی پی): مزن وزیر شہباز شریف ءَ  بجلی ءِ کارمرز کنوکانی شکایت ءَ  را گیش ءُ  گیوار کنگ ءِ   ھاترءَ من تک ءِ کمیٹی   جوڑ کتگء ُ تاں 200 یونٹ  کارمرز کنوکانی بل آناں 24 کلاکانی تہا کم کنگء ِ  پنت ء ُ شون کتگ۔ اے  پنت ء ُ شون مزن وزیر ءَ  جمعہ ءِ روچءَ وتی سروکی ءَ بجلی ءِ کارمرز کنوکانی جیڑہ ء ُ  جنجال ءِ گیش  ء ُ گیوار ی کنگ ءِ ھاترءَ مزن تک ءِ دیوان ءِ  تہاکتگ۔ دیوان ءَرا حال دیئگ بوتگ کہ مزن وزیر ءِ بجلی ءِ کارمرز کنوکانی   ھاترءَ جار جتگیں  ریلیف پیکیج ءِ سرءَ عمل کنگ بوہگءَ اِنت۔ بجلی کارمرز کنوکیں یک کروڑ 66 لکھ مردماناں فیول پرائس ایڈجسٹمنٹ ءِ مد ءَ  داتگیں ریلیف ءِ ردءَ بل  شرکنگ بوہگ ءَ اَنت۔  مزن وزیر ءَ  پنت ء ُ شون کتگ کہ 200 یونٹ  بجلی  کارمرز کنوکیں مردمانی بل  آناں  جار جتگیں ریلیف ءَ را 24 کلاکانی تہا  ہوار کنگ بیت ء ُ بل کم کنگ بنت۔ بل آنی شرکنگ ءِ   ھاترءَ ڈسکوز ءِ عملہ  24 کلاکانی تہا کار کنت۔ بل آنی شرکنگ  ءِ ھاترءَ درائیں عملہ وتی موکلاں ہلاس بہ کن اَنت ء ُ اے کار ءَ را زوتاں چہ زوت سرجم  بہ کن اَنت ء ُ رپورٹ ءَ  پیش بہ کن اَنت، بل  آناں جم کنگ ءِ ھاترءَ بینک آناں آیوکیں  روچاں پچ کنگ ءِ پنت ء ُ  شون کنگ بہ بیت۔