مزن وزیر  شہباز شریف ءِ  ھوار  ءُ سیلاپ ءَ چہ آماچیں  مردم آنی کمک ءِ واستہ سندھ حکومت ءِ  واستہ 15 ارب کلدار  ءِ گرانٹ   ءِ  جار  

سکھر۔26اگست  (اے پی پی):  مزن وزیر  شہباز شریف ءَ ھور ءُ سیلاپ ءَ چہ آماچیں مردم آنی  کمک ءِ  واستہ سندھ  حکومت ءِ واستہ 15  ارب کلدار ءِ  گرانٹ  ءِ جار   ءَ را جنان ءَ  گوشتگ کہ سیلاپ ءَ چہ  بوھوکیں  استیں  تباہی 2010  ءِ سیلاپ ءَ چہ باز  گیشتر انت۔   تاں وھد ءِ گڈی مردم  ءَ را گس ءِ اندر ءَ آباد نہ کناں  ما آرام ءِدل ءَ نہ ننداں،   گریبیں ھاندان ءَ را ساپ ءُ سلہ ئی ءِ گوما  کمک پجاری،  آماچیں  مردم آناں  بے نظیر انکم سپورٹ پروگرام  ءِ چیر دستی ءَ 25،25  ہزار  کلدار  زر بھر ءُ بانگ  کنگ بوھگ ءَ انت۔  این ڈی اے  ءُ  پی ڈی ایم  اے  یکجائی ءِ  یکجائی سروے ءِ وسیلگ ءَ  تاوان بار آنی  کچ  ءُ کساس  ءَ کناں۔  سیر لاپیں  ءُ کاروباری  سروک  آماچیں  مردم  گوں پچیں دل ءَ   کمک بدینت۔ آئیءَ  اے ھیالانی درشانی  آدینگ ءِ روچ ءَ  سکھر ءَ سیلاپ ءَ چہ آماچیں   ءُ میڈیا  ءَ گوں تران کنان ءَ کت۔  اے موہ ءِ سر ءَ پاکستان  پیپلز پارٹی ءِ چیئرمین وزیر ءِ درئی کار بلاول بھٹو زرداری،   سر وزیر سندھ  سید مراد علی شاہ،  بنجاھی وزیر آپی  آسراتی سید خورشید  شاہ،  بنجاھی  وزیر  توان خرم دستگیر، بنجاھی وزیر اھوالکاری    ءُ شنگ کاری  مریم  اورنگزیب ، چیئرمین این ڈی ایم اے لیفٹیننٹ  جنرل اختر  نواز  ءُ جمعیت علمائے  ف  ءِ سروک مولانا  راشد سومرو  ھم ساڑی ات۔  مزن وزیر  محمد شہباز شریف ءَ  گوشت کہ آئی ءَ  بالی گراب ءِ سر ءَ  جاور ھال آنی  چار ءُ تپاسی گپتگ۔  سندھ ءَ 30 سالی ھور  ءِ ریکاٹ  پرشتگ۔  سیلاپ ءَ  ھمک  نیمگ ءَ تپاہی کتگ۔  سندھ، بلوچستان، خیبر پختونخوا ءُ  زر باری پنجاپ ءِ دمگ  آپ ءَ بُک اتگ انت۔  زرباری پنجاپ ءِ  تہ ءَ  ڈیرہ غازی خان ءُ  راجن پور  ءِ دمگ ءَ را سیلاپ ءَ  باز تاوان داتگ۔  مزن وزیر ءَ گوشت کہ پاکستان مئے پجار انت، مرچی  اچ کس بلوچ، پنجاپی،  پٹھان ءِ نہ ات،  درستاں یک جاہ بہ بنت ءُ آماچیں مردم آنی  آسودی ءِ واستہ کار بکن انت۔  آئی ءَ گوشت کہ سندھ ءَ 86  ہزار تمبو پجاری کنگ بوتگ۔  15 لکھ  بشانہ  ءُ سئے چار  روچ ءَ سر بنت۔  15 ارب کلدار ءِ گرانٹ پاکستان ءِ  ٹیکس دیوک آنی زر  انت ءُ اے  زر ھکدار ءَ تاں  پجاری کنگ بنت۔   اولی فیز   ریسکیو  ءُ ریلیف ایگ انت۔ دومی فیز   ءَ  آسودگی  ءُ سیمی  فیز  ءَ بنیاتی کوکا ءِ جوڑیشت  بیت۔   لُکوکیں ءُ  کسانیں  وھد ءُ پاسی  چست ءُ ایر  ماہ ءُ  ماہ  ءُ نیم  وھد ءُ  پاس ءَ  سرجم  کنگ بنت وھدیکہ  دراج بریں   منصوبگ آناں زوت  سرجم کنگ  ءِ واستہ گامگیج کنگ بوھگ ءَ انت۔  اے وھد سیاس ءِ نہ انت،  آماچیں مردم آنی کمک ائیگ انت۔  ما جمہوری  روایت  ءِ  منوک انت۔  متحدہ اپوزیشن ءَ جموریت  ءِ واستہ قربانی داتگ     ، آ وھد ءَ کہ مات گہار ءُ  جنکیں زھگ  دزگیر کنگ بوھگ  انت گڈا  چیا اچ کس ءَ را  اچ چیز ءِ ھیال نہ اتکگ۔