سیلاپ ءُ ھور  ءَ چہ انوگ ءَ تاں  3 کروڑ 30 لکھ  مردم  آماچ بوتگ انت،  تاوان آنی بنداتی  کچ ءُ کساس  اربانی   کچ ءُ کساس ءِ تہءَ انت،  زمزن وزیر شہباز شریف ءِ  سفیر آں گوں گند ءُ نند  ءَ تران  

اسلام آباد۔26اگست  (اے پی پی): مزن وزیر محمد شہباز شریف ءَ گوشتگ کہ ملک ءَ استیں سیلاپ ءُ ھور آں چہ انوگ ءَ تاں 3 کروڑ 30 لکھ  کساس مردم آماچ بوتگ انت،  اینکاس مزنیں کساس ءَ آماچیں  مردم آناں  وردن ءُ وراکی  سامان ، درمان  ءُ  تمبو آنی پجاری یک ٹوھیں  جیڈھ ات، گس، ماڑی ءُ انفراسٹرکچر  ءَ را رستگیں  تاوان آنی بنداتی کچ ءُ  کساس  اربانی   کلدار  بنت،  میاں اوستمانی مالیاتی  ادارگ  ءُ ڈل آنی نیمگ ءَ چہ  کمک آنی پد ءَ  آوانی شگر ءُ منت  واری ءَ گراں۔  اے ھیالانی درشانی آئی ءَ  آدینگ ءِ روچ ءَ  ادا اسلام آباد ءَ  نندوکیں جتا جتائیں ملک آنی سفیر  آں گوں ملکی سیلاپ  ءِ جاور ھال آنی  رد ءَ ایمرجنسی   گند ءُ نند   کنان ءَ کت۔  مزن وزیر ءَ گوشت کہ پاکستان ءَ گوستگیں 30 سال ءِ ریکارٹی ھور بوتگ،  13 جون  ءَ چہ  پد  انوگ ءَ تاں  سیلاپ ءَ 900  ءَ چہ گیش مردم  بیران بوتگ انت۔  1300  ءَ چہ گیش مردم ٹپیگ  ءُ  کساس 8 لکھ  دلوت  سیلاپ ءِ آماچ بوتگ انت،  گس ، ماڑی ءُ  انفراسٹرکچر  ءَ را رستگیں تاوان  آنی  بنداتی  کچ ءُ کساس اربانی  کلدار ءِ  بوت کناں،  ھواریں رنگ ء۔ انوگ ء۔ تاں سیلاپ ءَ چہ آماچیں مردم آنی کساس  3 کروڑ  30 لکھ اِنت۔  آئی ءَ گوشت کہ پاکستان ءَ  موسمی مٹ ءُ بدلی ءَ چہ  آماچ  بوھوکیں  ملک آنی  لڑ ءَ   ھشتمی  نمبر ءِ سر ءَ انت وھدیکہ پاکستان ءِ کاربن گیس آنی   در آیگ ءِ  یک درسد  ءَ چہ کم انت۔  آئی ءَ گوشت کہ حکومت سیلاپ  ءِ آماچیں مردمج آناں  ایمرجسی ریکسیو  ءِ واستہ  وتی توامیں  آسراتی آناں کارمرز کنگ ءَ انت  ، آماچیں مردم آناں زوتیں رد ءَ فلڈ  ریلیف  کیش پروگرام  ءِ چیر دستی ءَ 25 ہزار ھمک ھاندان  پجاری کنگ ءَ انت،   آماچیں مردم آناں وردن  ءُ وراک ءُ تمبو ھرچ رنگ ءَ  پجاری کنگ ءِ کوشست کنگ بوھگ ء۔ انت،  اینکاس ٹوھیں   کساس ءَ  آماچیں مردم آناں  وراکی  سامان،  درمان،  تمبو  ءِ پجاری یک ٹوھیں   جیڈھ اِت۔   گند ءُ نند ءَ وزارت ءِ  اقتصادی کار  ءُ وزارت ءِ ھزانگ ءِ نیم گءَ چہ حکومت ءَ را زوتیں  ریکسیو ءُ  ریلیف  گامگیج ءُ گوستگیں   روچ ءَ  ڈدونرز کانفرنس ءِ  ھوالگ ءَ  ھم سرجمیں  بریفنگ  ھم دیگ بوت۔  دیوان ءَ را وزارت  ءِ اھوالکاری ءُ شنگ کاری ءِ  نیمگ ءَ سیلاپ ءَ چہ   آماچیں دمگ  ءُ آماچیں  مردم آنی وڈیو ھم  پیش دارگ بوت۔  دیون ءِ  شریکیں  مردم آں  حکومت ءِ   سیلاپ ءَ  چہ  آماچیں مردم آنی ریسکیو  ءُ ریلیف  ءِ گامگیج آنی توسیپ  کت ءُ  جتا  جتائیں  ملک آنی سفیر آں مزن وزیر ءَ را    سیلاپ  ءِ آماچیں  دمگ آنی تہ ءَ کمکی کاروائی  بندات کنگ ءِ  ھم پنت ءپ شون کت۔