اے سیاست  ءِ ناں ازمت ءِ وھد انت،  سیلاپءَ چہ ٹوھیں کساس ءَ  تباہی بوتگ،  آماچیں مردم آناں  ایوک ءَ یلو نہ کناں،  مزن وزیر شہباز شریف  

سکھر۔26اگست  (اے پی پی): مزن وزیر محمد  شہباز شریف ءَ  گوشت کہ اے سیاست نہ ازمت ءِ وھد انت، سیلاپ ءَ چہ ٹوھیں کساس ءَ تباہی ءِ  بوتگ،  آماچیں مردم آناں ایوک ءَ  یل نہ کناں ءُ سیلاپ ءِ  آماچیں گڈی  مردم  ءَ را  آسودگ کنگ ءَ پد   ایمنی ءَ گوں ننداں۔  آدینگ ءِ  روچ ءَ سکھر  ءِ تر ءُ  تاب ءِ موہ ءَ سیلاپ ءِ آماچیں   مردم  آں گوں گند ءُ نند ءَ چہ پد  میڈیا  ءَگوں تران کنان ءَ   مزن وزیر  ءَ گوشت کہ سیلاپ ءَ چہ آماچیں دمگ   آناں تر ءُ تاب بالی گراب  ءِ سر ءَ  چہ کتگ۔ سیلاپ ءَ چہ  مزنیں کساس ءَ تباہی بوتگ  ایشرا من دانک آنی تہ ءَ بیان  کت نہ کناں،   اے رنگیں تباہی من پیسر ءَ نہ دیستگ۔ مزن وزیر ءَ  سیلاپ ءَ چہ  سدانی کساس ءَ   بنی آدم آنی  بیرانی ءِ  پد ءَ   ڈکھ ءُ  اپسوزی ءِ درشان کت ءُ   آئی ءِ واستہ  دعا ءِ نیک کت۔  مزن وزیر ءَ گوشت کہ سندھ  حکومت  آماچیں  مردم آنی آسودی ءِ واستہ گیشاں  چہ گیش کار کنگ ءَ انت،  میڈیکل کیمپ ءَ  علاج ءِ  واستہ   جوانیں آسراتی  پجاری کنگ بوتگ۔  مزن وزیر ءَ گوشت کہ آئی ءَ آماچیں مردم آنی گوما گند ءُ نند کتگ۔  آئی ءَ وراک ءُ وردن،  درمان ءُ آپ ءَ  ھوار بنیاتی ضلورت آنی  پجاری ءِ واستہ جوانیں بست ءُ بند کنگ بوتگ۔  مزن وزیر ءَ گوشت کہ  آماچیں   مردم آناں  آوانی گس آنی کپگ ءِ   پد ءَ  زر دیگ بیت،  بنجاھی حکومت ءَ  10 لکھ ھمک ھانداسن  پجاری  کنگ بیت،  صوبائی حکومت  وتی  نیمگ ءَ چہ کتگیں کمک  ءَ کنت۔  مزن وزیر  ءَ گوشت کہ آماچیں مردم آنی   گس ءُ  کشار  تباہ بوتگ انت۔  بنجاھ ءِ نیمگ ءَ 25 ہزار کلدار ھمک گس  بے نظیر  انکم سپورٹ  پروگرام  ءَ   چہ دیگ بیت تانکہ زوتیں  رد ءَ  المی ایں  چیزآنی  واستہ  آماچیں مردم آناں کمو  زر بہ رس ائیت۔  آئی ءَ میڈیا ءِ سر ءَ زور پر دات کہ آ سیلاپ  ءَ چہ بوتگیں  تاوان  آناں  سہرا کنگ بہ  بیت ءُ میاں اوستمانی ادارگ  ءُ برات  ھم  الس ءِ  کمک ءَ  بیا اَنت۔  اے موہ ءَ جے یو آئی  ف  ءِ سروک  راشد سومرو  ءَ گوشت کہ  ھمبراھداریں پارٹی   حکومت ءِ گوما  یکجائی ءَ  آماچیں مردم آنی کمک ءِ  واستہ کار کنت۔