نیشنل ہائی وے اتھارٹی نا شاہراہ تا بحالی کن گام گیج ترندی اٹ برجاءِ

اسلام آباد۔ 25 اگست (اے پی پی) نیشنل ہائی وے اتھارٹی نا شاہراہ تا بحالی کن گام گیج ترندی اٹ برجاءِ۔ ترجمان این ایچ اے نا کنڈآن جاری بیان نا رداٹ بنجائی وزیر مواصلات اسعد محمود نا خصوصی پارت آ بنجائی سیکرٹری مواصلات و چیئرمین این ایچ اے کیپٹن (ر) محمد خرم آغا مچ آ ملک اٹی روڈ انفراسٹرکچر بحالی نا کاریم تا تینٹ چاروکی ءِ کننگ ءِ۔ ترجمان پارے کہ بحرین و کالام نا نیام اٹ پِر و ناکاپ نا سوب آن N-95آ ٹریفک بحالی کن درکار مشینری سائٹ آ سرکننگانے۔ اپرچترال اٹی گرم چشمہ و شاہ سلیم نا نیام اٹ سلائیڈنگ نا سوب آن قومی شاہراہ N-95کلیئر کرسا ٹریفک کن ملنگانے۔ ترجمان این ایچ اے N-25آ اتھل شار انا خڑک لُنڈا پول انا ہند آ دیر انا کچ کم مننگ آ ٹریفک ءِ بحال کننگا۔ کراچی آن کوئٹہ اسکان N-25ہر وڑنا ٹریفک کن ملنگا۔ ترجمان این ایچ اے پارے کہ نوکاپ زدہ علاقہ غاتا مسافر آتیان خواست ءِ کہ بے گرج سفرآن پاناد کیر۔ نیشنل ہائی وے اتھارٹی نا ممبرز نوید اقبال واہلہ، شاہد احسان اللہ و مرشد امین خٹک سڑک آتا بحالی ٹی لگوک۔