مزن وزیر محمد شہباز شریف ءَ محکمانہ لیب ءُ گوازی آناں برجا کنگ ءِ  وتی کتگیں وعدہ ءَ را پورا کت

اسلام آباد۔25اگست  (اے پی پی): مزن وزیر محمد  شہباز شریف ءَ  ملک ءَ  لیب ءُ گوازی آنی دیمروئی  ءُ ورنا  آناں  موہ پجاری کنگ ءِ واستہ  ٹوھیں  پیسلہ  ءَ کنان ءَ محکمانہ   لیب ءُ گوازی   آناں برجا کنگ ءِ وتی کتگیں وعدہ ءَ را پورا کت۔ پنچ شمبے ءِ روچ ءَ  مزن وزیر کارگس ءِ میڈیا ونگ ءِ نیمگ ءَ جاڑی بوتگیں  بیان ءِ رد ءَ ستمبر 2021  ءَ پی ٹی آئی  حکومت ءَ محکمانہ لیب ءُ گوازی آنی واستہ فنڈنگ آناں داشتگ بوتگ۔  عمران خان   ءِ حکومت ءِ سبب ءَ 30  جتا جتائیں   گوان آنی تہ ءَ محکمانہ  لیب ءُ گوازی ھلاس کنگ بوتگ اتنت ایشی ءَ چہ ہزارانی لیبی بے روزگار بوتگ انت۔  مزن وزیر محمد  شہباز  شریف  ءَ راج ءَ  گوں  گشتانک ءَ محکمانہ لیب ءُ گوازی آناں برجا کنگ ءِ  سوگند کتگ  بوتگ۔  مزن وزیر ءَ اپریل 2022  ءَ  محکمانہ لیب ءُ گوازی کنگ ءِ  سوگند کتگ بوتگ۔  لیبی آں  مزن وزیر ءَ  گوں  وتی بے روزگاری ءُ جیڈھ آنی رد ءَ  محکمانہ لیب ءُ گوازی آناں برجا  دارگ ءِ لوٹ کتگ بوتگ۔  مز ن وزیر ءَ اے گامگیج  ملکءَ لیب ءُ  گوازی آنی  دیمروئی ءُ ورنا آنی ٹیلینٹ   ءِ  دلبڈی ءِ واستہ چست کتگ بوتگ۔