مزن  وزیر محمد  شہباز شریف ءَ لیب ءُ گوازی آنی دیمروئی ءِ  محکمانہ لیب ءُ گوازی آنی سر ءَ بندش جنگ ءِ جار جتگ،  دولت ءِ  مشترکہ ءُ اسلامی یکوئی ءِ   گوازی  ءَ جوانیں لیب  ءُ گوازی  کنوک آنی شرپ ءَ  بست ءُ بند کتگیں  مراگش ءَ گوں  گشتانک 

اسلام آباد۔25اگست  (اے پی پی): مزن وزیر محمد  شہباز شریف  ءَ  ملک ءَ  لیب ءُ گوازی آنی دیمروئی ءِ واستہ  محکمانہ لیب ءُ گوازی آنی  سر ءَ بندش   ءَ را ھلاس کنگ ءِ جار  ءَ جنان ءَ  گوشتگ کہ دولت  ءِ مشترکہ ءُ اسلامی  یکوئی  گوازی  آنی تہءَ  پاکستانی  لیبی  میڈل  کٹ انت ءُ راج ءِ نام ءَ ءُ  سبزیں  ءُ ماہ ءُ استال والائیں  بیرک   ءَ را برز کتگ۔  ملک ءِ نام  سہرا کنوکیں لیبی  آں  راج ءَ را پھریگ کتگ۔  ایشی ءَ چہ ورنائیں  لیبی آنی  دلبڈی بیت،  ملک ءَ سیلاپ ءِ جاور  ھال آنی سر ءَ  ٹوھیں جیڈھ  آنی گوما دیم پہ دیمی  انت، سیلاپ  ءِ آماچیں  مردم آناں  دوارگ  گس آنی تہ ءَ  آبات کنگ ءِ واستہ  توامیں  آسراتی آناں کارمرز ی  پجاری کنگ بوھگ ءَ انت۔  اے ھیالانی درشانی آءی ءَ  پنچ شمبے ءِ روچ ءَ مزن وزیر کارگس  ءَ  دولت  ءِ مشترکہ ءُ اسلامی یکوئی  گوازی آنی جوانیں کار کرد پیشداروکیں  گوازی کنوک آنی شرپ ءَ مراگش ءَ گوں گشتانک دیان ءَ کت۔  مراگش ءَ  بنجاھی وزیر  اھوالکاری  مریم اورنگزیب  ءُ پاکستان  سپورٹس  بورڈ ءِ اپسرگ  آں بھر زوری کت۔