مزن وزیر محمد  شہباز شریف ءِ  ارشد  ندیم  ءُ  ایندگر لیبی آنی لوٹ آناں  منگ  ءِ جار

اسلام آباد۔25اگست  (اے پی پی): مزن وزیر محمد  شہباز شریف ءَ   دولت ءِ  مشترکہ ءُ اسلامی  یکوئی گوازی آنی تہ ءَ  سہر  ءِ میڈل باج بروک   ارشد ندیم  ءُ ایندگر لیبی آنی لوٹ  آناں تسلیم کنگ  ءِ جار جتگ۔  پنچ شمبے ءِ روچ ءَ   مزن وزیر کارگس ءَ  لیبی آنی  شرپ ءَ برجم بوھوکیں مراگش ءَ ارشد ندیم ءَ  گوازی کنوک آنی  دلبڈی   ءِ  پد ءَ مزن وزیر محمد  شہباز شریف ءِ شگر ءُ منت واری گپت۔  آئی ءَ گوشت کہ آ  وتی کامیاتی  ءِ پد ءَ اللہ پاک  ءِ شگر  ءُ منت وار آں ءُ  ایندگر لیبی آنی لوٹ  آناں تسلیم کنگ ءِ جار جتگ۔  پنچ شمبے  ءِ روچ ءَ مزن وزیر   کارگس  ءَ لیبی  آنی شرپ ءَ برجم بوھوکیں مراگش ءَ ارشد ندیم  ءَ  لیبی آنی دلبڈی  ءَ   مزن وزیر محمد شہباز شریف ءِ  شگر ءُ منت واری گپت۔  آءی ءَ گوشت کہ آ وتی کامیاتی  ءِ پد ءَ اللہ پاک ءِ شگر ءُ منت وار انت ءُ  آئی ءِ  کامیاتی  آئی ءِ مات ءُ پت ءُ  سرجمیں  راج ءِ دعا ءُ  ھیر  آنی نتیجگ انت۔   ارشد ندیم ءَ گوشت کہ  آئی ءِ واھشت  بوتگ کہ   یک محکمہ ءِ تہ ءَ  شمولیت  بکنت  ءُ گوازی بکنت، بلے پیسریگیں حکومت ءَ محکمانہ  گوازی آناں ھلاس کتگ بوتگ۔  مزن وزیر ءَ گوں دزبندی انت کہ محکمانہ  گوازی آناں برجا کنگ بہ بیت تانکہ   لیبی آیوکیں گوازی آنی تہ ءَ بھر زوری کت بکن اَنت،  ایش ایندگر لیبی آنی ھم لوٹ انت۔   ھما جوانیں گوازی کنوک آں ملک ءِ نام سہرا کتگ،  مئے دزبندی انت کہ  داد ءِ  زر آنی تہءَ ھم گیشی کنگ بہ بیت۔  ایشی ءَ ابید  مزنو زیر ءَ وتی گشتانک ءَ  لوٹ آناں تسلیم  کنگ ءِ جار جتگ ءُ گوشت کہ  لیبی آنی  کوچگ آناں آسراتی پجاری کنگ بہ بیت۔