دوحہ۔24اگست (اے پی پی) مزن وزیر محمد شہباز شریف ءَ گتر ءِ ا میر ءِ پت شیخ حمد بن خلیفہ ال ثانی ء ُ مات موزہ بنت نصر ءَ گوں چارشمبے ءِ روچءَ گندء ُنندکتگ ء ُ دوئیں براتیں ملک آنی نیام ءَ سیادی ءَ را محکم کنگءِ ھاترءَ آیانی کردءَ راساڑاتگ۔ مزن وزیر کارگس ءِ میڈیا ونگ ءَ چہ جاری بیان ءِ ردءَ مزن وزیر ءَ وتی ء ُ وتی ڈل ءَ را وش اَتک کنگءَ گترءِ امیر ءِ پت ءِ شکر ء ُ منت گپتگ، آئی ءِ ھاترء َ نیکیں واہگانی درشانی کتگء ُ دونیمگی اوست ء ُ ہمراہ داری ءِ محکمیں بنیاتءِ سرءَ استیں گتر ءِ گوما دیریگیں ء ُ نزیکیں سیادی ءِ پاکستان ءِ نیمگ ءَ داتگیں ارزشت ءِ زکر کتگ۔ 1999 ء ُ 2017 ءَ گترءِ امیر ءِ پت ءِ پاکستان ءِ ترء ُتابانی ہوالگءَ گپ کتگ ء ُ دوئیں ملک آنی نیام ءَ سیادی ءَ را محکم کنگءِ ھاترءَ آئی ءِ کرد ءَ را ساڑاتگ۔ گترءِ امیر ءِ مات شیخہ موزہ بنت نصر ءِ سروکی ءَ ” وانگ ء ُ زانگ درستاں چہ پیش” پروگرام ءِ ہوالگ ءَ گپ کتگء ُ مزن وزیر ءَ انسانی ہمدردی ء ُ حیراتی سُر ء ُ ُپُرآنی ھاترءَ آئی ءِ کوشست ء ُ پاکستان ءَ ہوار سرجمیں دنیاءَ حاس زھگاناں وانگ جاہ آں داکل کنگءِ ازمت ءَ را ساڑاتگ۔ مزن وزیر ءَ گتر ء ُ پاکستان ءِ دیمروئی ءِ تہا کرد پیلو کنوکیں گترءَ نشتگیں 2 لکھ ءَچہ گیش پاکستانی آنی مہمان جہلی کنگ ءَ گتر ءِ امیر ءِ مت ءِ شکرء ُ منت گپتگ۔ مزن وزیر ءَ گترءِ وژن 2030 ءِ ہوالگءَ گتر ءِ گوما گیش کنگ ءِ او ست داتگ۔ مزن وزیر ءَ فیفا ورلڈکپ2022 ءِ مہمان جہلی کنگءَ گترءِ ھاترءَ نیکیں واہگانی درشانی کتگ۔ مزن وزیر ءَ آئی ءَ پاکستان ءِ ترء ُتاب کنگءِ دعوت ہم داتگ۔
