دوحہ۔24اگست (اے پی پی): مزن وزیر ءَ آیوکیں ہورآنی ردءَ ریسکیو ء ُ ریلیف ءِ عمل ءَ را گشاد کنگ ءِ پنت ء ُ شون کتگ۔ چارء ُ شمبے ءِ روچءَ مزن وزیر کارگس ءِ میڈیا ونگ ءَ چہ جاری بیان ءِ ردءَ مزن وزیر شہباز شریف گتر ءَ چہ سیلاپ ءِ آماچیں مردمانی ریسکیو ، ریلیف ء ُ گامگیجانی سرپانکی ءَ کنگ ءَ اِنت۔ مزن وزیر ءَ این ڈی ایم ءَ ہوار درائیں ہمگرنچیں وزارت ء ُ محکمہ آناں یک جاہ کار کنگءِ پنتء ُشون کتگ۔ بیان ءِ تہا مزن وزیر ءَ گشتگ کہ بازیں ہورآں چہ سیلاپ ءِ تباہی گیش بوہان اَنت۔ سیلاپ ءَ چہ مردماناں باز نقصان بوتگ، آیانی کمک مئے درسانی فرض اِنت۔ قدرتی آفت ءِ آماچیں مردمانی آباد کنگ یک مزنیں کار اِت، اے مئے درستانی کوشست ءَ چہ بوت کنت۔ مزن وزیر ءَ ملک ءِ تہی ءُ ڈنی پاکستانی، است مندء ُ تنظیم آں گوں آماچیں مردمانی کمک کنگ ءَ ہوار بوہگءِ دزبندی کتگ۔
