اسلام آباد۔ 23 اگست (اے پی پی) وزیراعظم شہباز شریف پارینے کہ اینو نا دنیا ٹی ملک آتا نیام اٹ ہڑتوم آ کنڈآتا تعلقداری تا غٹ پلوآک تین پہ تین کن بایدے فائدہ ئی مریر۔ سے شنبے نادے آ تینا دورہ قطر انا بابت اسہ ٹویٹ اسے ٹی وزیراعظم پارے کہ دوحہ ٹی اینو اسہ اختہ ءُ دے اس گدریفے، ہراٹی واپار، زرکاری و اقتصادی کمکاری آ پیدوار گپ وتران مس۔ اوپارے کہ اینو نا دنیا ٹی قوم تا نیام اٹ ہڑتوم آ کنڈآتا تعلقداری نا غٹ پلوآک تین پہ تین کن بایدے فائدہ ئی مریر، ای دا دورہ نا فائدہ ئی بھرم تا چاری اُٹ۔
