وزیراعظم شہباز شریف پاکستان اٹی نوکاپ نا حالیت آتا رداٹ لندن نا دورہ ءِ منسوخ کرے

اسلام آباد۔ 25 اگست (اے پی پی) وزیراعظم شہباز شریف پاکستان اٹی نوکاپ نا حالیت آتا رداٹ لندن نا دورہ ءِ منسوخ کرے ۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم نوکاپ نا حالیت و کمکی کارروائی تا بابت دیوان اس اونا وطن آ پدی سرمننگ تون اڈ تننگ نا پارت کرے۔ دیوان اٹی این ڈی ایم اے تون اوار ایلو کمامدار آک وزیراعظم ءِ نوکاپ زہمی تا ریسکیو و ریلیف نا بابت گام گیج آتیان معلومدار کیرہ۔ وزیراعظم شہباز شریف ءِ حمزہ شہباز نا مسڑ و تینا نواسہ نا طب انا خرابی نا سوب آن قطر آن لندن آ ہنوئی ئسک ولے ملک اٹی نوکاپ نا حالیت آتا سوب وزیراعظم دمدستی وطن آ پدی بننگ نا فیصلہ کرے۔ وزیراعظم نا نواسہ لندن اٹی درمان مننگ ءِ۔