پاکستان و قطر تین پہ تینی تعلقداری تے پوسکن آ بڑزی تیا دننگ کن سنبرینگوک ءُ، وزیراعظم شہباز شریف

اسلام آباد۔ 25 اگست (اے پی پی) وزیراعظم شہباز شریف دورہ ءِ قطر اٹی جم وجوش اٹ بخیر و گچین مہمانداری آ امیر قطر شیخ تمیم بن حمدالثانی نا منت واری ءِ ہرفسا پارینے کہ پاکستان و قطر تین پہ تینی تعلقداری تے پوسکن آ بڑزی تیا دننگ کن سنبرینگوک ءُ۔ پنچ شنبے نادے آ تینا ٹویٹ اٹی وزیراعظم پارے کہ او قطر انا تینا اہم دورہ نا ایسری آن پد پاکستان آ پدی ہِننگ ءِ۔ اوجم وجوش اٹ بخیر و گچین مہمانداری آ قطر انا حکومت و الس خاص وڑاٹ امیر قطر شیخ تمیم بن حمدالثانی نا منت واری ءِ ہرفے۔ وزیراعظم پارے کہ اونا دورہ ءِ قطر انا اِرا پلو قابل ذکر ءُ، اسٹ دا کہ پاکستان و قطر آخبت نا بابت اسہ پیدوار وژن اس تخرہ و ترندی اٹ بدل مروک دنیا ٹی پوسکن آ وارخواہی و کسر ساڑ یءِ۔ ارٹ میکو دا کہ ننے اقتصادی کمکاری ءِ ہڑتوم آ کنڈآتا تعلقداری تا وت جوڑ کرسا ہڑتوم آ کنڈآتا تعلقداری تے مون آ دننگ نا درک ءِ۔ وزیراعظم پارے کہ اونا قطر انا امیر شیخ تمیم بن حمدالثانی تون بھاز جوان اوڑدہی مس ہراٹی نن تینا گچین ہڑتوم آ کنڈآتا تعلقداری تے اسٹریٹجک انگیجمنٹ نا بروک آ کہول آ دننگ نا فیصلہ کرینن۔ اوپاکستانی زرگزران نا چندی بشخ آتیٹی قطر انا کنڈآن 3 ارب ڈالر نا زرکاری آ امیر قطر نا منت واری ءِ ہرفے۔