چین ءَ پاکستان ءِ سیلاپ ءِ آماچیں  مردم آنی واستہ  تمبو ءُ ایندگر    ضلورت ءِ  کمکی سامان   ، پجاری ءِ جار

بیجنگ ۔24اگست  (اے پی پی):چین  ءَ  بلوچستان ءُ سندھ ءِ  سیلاپ  ءِ آماچیں  مردم آں گوں جھلانکیں یکوئی ءِ درشان کنان ءَ پاکستان ءَ را سیلاپ ءِ آماچیں مردم  آنی واستہ  تمبو ءُ ایندگر  المی ایں   کمکی سامان  زوتیں رد ءَ   پجاری  ءِ جار جتگ۔  چا رشمبے  ءَ  چینی  وزارت ءِ درئی کار  ءِ ترجمان ءَ ادا  جاڑی  کتگیں  یک بیانے ءَ گوشت کہ چین ءَ   انوگ ءَ تاں  پاکستان ءَ  بازیں ھند  آنی  تہ ءَ  سکیں سیلاپ   ءِ آیگ ءِ  پد ءَ  نوٹس  زرتگ،  ایشی ءِ اندر ءَ  مزنیں کساس ءَ جانی ءُ مالی  تاوان  رستگ۔  ترجمان  ءَگوشت کہ ما سیلاپ ءِ آماچیں  دمگ آنی  تہ ءَ  بیران بوھوکیں  مردم آنی سیاس ءُ وارس آں گوں جھلانکیں دلپدردی ءُ آماچیں ءُ ٹپیگ  آں گوں دلی یکوئی ءِ درشان  ءَ  کنگ لوٹاں۔ آئی ءَ گوشت آئی ءَ گوشت کہ  چین ءُ پاکستان  دوست انت  ایش یک ءِ دومی ءِ گم ءُ پریشانی ءَ برابرئی ءَ  شریک انت ءُ   ٹوھیں کدرتی  سیلاپ  ءِ وھد ءَ  یک ءِ  دومی ءِ کمک ءَ کنگ ءَ مدا  جوانیں روایت ءِ  بوتگ۔  آءی ءَ گیش گوشت کہ پاکستان ءَ سیلاپ ءَ چہ  پد   ءَ  ریاستی کونسل ر ءُ وزیر ءِ  درئی  کار وانگ یی ءَ پاکستان ءِ وزیر ءِ درئی کار بلاول  ءَ گوں  دلپدری ءِ درشان کتگ۔  ترجمان ءَ گوشت کہ چین پاکستان اقتصادی راہداری ءِ  فریم ورک ءِ چیر دستی ءَ چین ءِ نیمگ ءَ چہ پجاری کتگیں 4000 تمبو، 50000 کمبل، 50000 تربال ءُ ایندگر المی ایں سامان  پجاری کنگ  بوھگ ءَ انت۔   ایشی ءَ ا بید چین  ءَ سیلاپ ءِآماچیں مردم آنی واستہ 25 ہزار   تمبو ءُ ایندگر سامان  پجاری کنگ ءِ ھم پیسلہ کتگ، ریڈ کراس  سوسائٹی چائنا ءَ ہلال  احمر پاکستان ءَ را  زوتیں رد ءَ   3 لکھ  ڈالر نگدی پجاری کتگ۔  ترجمان  ءَ گوشتگ کہ چین  سیلاپ ءُ  توپان آنی گر ءُ دار   ءُ موسمی مٹ ءُ بدلی ءُ ایندگر شوبگ آنی تہ ءَ  دو نیمگی  یکوئی آناں دیمروئی  دنت۔  آئیءَ گیش تران کنان ءَ گوشت کہ  اے ھیال کنگ بیت کہ پاکستانی حکومت ءِ سرکوی ءَ  ءُ میاں اوستمانی برات آنی  یکجائی کمک ءَ  چہ سیلاپ ءِ آماچیں مردم آنی  جیڈھ آنی گیش ءُ گیوار  کنگ  ءُ  وتی  ھمروچگیں  زند مان ءَ را زوتاں زوت  برجا کنگءَ کامیات بہ بنت۔  اے گپ لائک ءِ ستا انت کہ وینچوآن  ءَ  2008  ءَ بوھوکیں  زمین چینڈ  ء،ساھت ءَ پاکستان  ءَ توامیں آسراتی آناں  کارمرز کنان ءَ   توامیں تمبو آناں چین ءَ روان داتگ ءُ چین  پاکستان  ءِ مشکلیں ساھت ءَ  پجاری کتگیں اے کمک آناں اچبر بے ھیال کت  نہ کنت۔  رسانک در آنی رپوٹ   ءِ رد ءَ  مون سون  ھور  آنی نتیجگ ءَ پاکستان ءِ صوبہ بلوچستان ءُ سندھ ءَ ٹوھیں  کساس ءَ سیلاپ ءِ  آیگ ءَ چہ ٹوھیں  تباھی  ءِ بوتگ  ایشی ءِ نتیجگ ءَ  700 ءَ چہ  گیش  مردم بیران  ءُ سئے لکھ  ءَ چہ گیش  مردم  بے لوگ بوتگ انت۔