سویلی پنجاب، بلوچستان و سندھ اٹی نوکاپ زہمی تیکن ریلیف آپریشن برجاءِ، ترجمان پاک فضائیہ

اسلام آباد۔ 24 اگست (اے پی پی) پاک فضائیہ قدرتی آفت آتیٹی انسانی کمک سرکننگ اٹ مدام پیش پیش مسنے۔ تینا ہند ا روایت ءِ برقرار تخسا ساڑ ی نوکاپ اٹی پی اے ایف زہمی تے ریلیف و ریسکیو امداد فراوان کننگ اٹ لگوک ءِ۔ ساڑی آکمکی آپریشن پاکستان ایئر فورس انا دا عزم انا عملی درشانی ءِ کہ مشکل نا داساہت اٹی ہم وطن آتا ہرممکن کمک ءِ کننگک۔ ترجمان پاک فضائیہ نا رداٹ پاک فضائیہ ساڑی آ ترند پِر و نوکاپ آن زہمی بلوچستان، سندھ و سویلی پنجاب نا علاقہ غاتیٹی کمکی کارروائی تیٹی زیات آن زیات بشخ ہلنگ ءِ۔ پاک فضائیہ چندی فیلڈ میڈیکل کیمپ ہم جوڑ کرینے ہراڑے پی اے ایف نا ڈاکٹر و پیرامیڈیکل اسٹاف نوکاپ زہمی تے بیست ءُ چار گھنٹہ مفت درمان نا آسراتی و دوائی فراوان کننگ ءُ۔ ریلیف آپریشن اٹی پی اے ایف نا ایمرجنسی ریسپانس ٹیمک تیار کن وخور، راشن و ایلو المی آ گڑاہم بشخار۔ تدوک آ 24 گھنٹہ ٹی انسانی ہمدردی نا بنداو آ 1174 راشن پیک، 13200 پاؤنڈ بنداوی کنوئی آ گڑا ضرورت مند خاہوت آتیٹی بشخنگا۔ داکان بیدس پاک فضائیہ نا میڈیکل ٹیمک 695 ناجوڑ آتے ہم طبی امداد ہم تسر۔