اسپیکر و قائم مقام اسپیکر قومی اسمبلی نا بلوچستان، سندھ، سویلی پنجاب و ملک انا ایلو بشخ آتیٹی نوکاپ و پِر تیان جانی و مالی نسخان تیا است ہسونی نا درشان

اسلام آباد۔ 24 اگست (اے پی پی) اسپیکر قومی اسمبلی راجہ پرویز اشرف و قائم مقام اسپیکر زاہد اکرم درانی  بلوچستان، سندھ ، سویلی پنجاب و ملک انا ایلو بشخ آتیٹی نوکاپ و پِر تیان مروک آ جانی و مالی نسخان تیا است ہسونی نا درشانی ءِ کرینو۔ اسپیکر و قائم مقام اسپیکر زہمی تتون ہمدردی نا درشانی ءِ کرسا ڈکھیاو مصیبت نا داساہت اٹی مچ آ قوم نوکاپ زہمی تتون ہم کوپہ سلوک ءِ۔ اوفک حکومت ءِ پارت کریر کہ نوکاپ اٹی اختہ مروک آ بندغ آتے رکھ ہند آتیا سرکننگ، زہمی تے دمدستی ریلیف نا فراوانی و زہمی تا زوت بحالی کن ہلہلہ ئی بنداو تیا گام گیج کننگے۔ اوفک الس و سخی تیان کمکی کارروائی تیٹی زیات آن زیات بشخ ہلنگ، زہمی تے ریلیف نا فراوانی کن کاریم کروک آ ادارہ غاتون پبی کمک کننگ و پرائم منسٹر فلڈ ریلیف فنڈ اٹی است انا حب اٹ عطیہ جمع کرفنگ نا پاریر۔ اسپیکر و قائم مقام اسپیکر اللہ تعالیٰ آن ساڑی آ پِر و نوکاپ اٹی زوال کروک آتا بخشش و خاہوت ءِ دا ناقابل تلافی نسخان ءِ سگنگ کن حوصلہ و ہمت تننگ نا دعا کریر۔ اوفک نوکاپ اٹی ٹھپی مروک آ بندغ آتا زوت دراخ جوڑی کن دعا ہم کریر و تعلقدار کمامدار آتے اوفتے گچین طبی آسراتی تا فراوانی نا پارت ہم کریر۔