بنجائی وزیر حوالکاری و شینکاری وزیراعظم فلڈ ریلیف اکاؤنٹ 2022 اٹی عطیہ جمع کرفنگ نا سرجم آتے جاری کرے

اسلام آباد۔ 24 اگست (اے پی پی) بنجائی وزیر حوالکاری و شینکاری مریم اورنگزیب وزیراعظم فلڈ ریلیف اکاؤنٹ 2022 اٹی عطیہ جمع کرفنگ نا سرجم آتے جاری کرے، اسٹیٹ بینک آف پاکستان غٹ کمرشل بینک آتا کمک اٹ عطیہ جمع کننگ نا سرکلر جاری کرینے۔ تہہ و پیشن ملک پاکستانیک عطیہ دا اکاؤنٹ اٹی جمع کرفنگ کیرہ ۔ وزیر حوالکاری مریم اورنگزیب نا رداٹ پِر تا 30 سال انا ریکارڈ پِنانے ، مچ آملک خاص وڑاٹ بلوچستان و سندھ اٹی بھلو بھسکاری اس مس۔ اوپارے کہ ببو نن غٹ مصیبت اٹ تموک تینا اہل وطن تا کمک ءِ کین، نن غٹ سیبو جوڑ مرین۔ وزیر حوالکاری مریم اورنگزیب پارے کہ تہہ و پیشن ملک غٹ پاکستانی تیان است انا حب اٹ عطیہ جمع کرفنگ نا خواست ءِ۔ دا عطیہ اکاؤنٹ(Prime Minister Relief Fund Account 2022 Account No. ‘G-12164)اٹی جمع کرفنگ مریک۔ عطیہ غاتا کمک اٹ غٹ پاکستانیک نوکاپ زہمی تا کمک ناکاریم اٹ اوار مننگ کیرہ۔ اوپارے کہ اسٹیٹ بینک انا سرکلر نا رداٹ غٹ کمرشل بینک و اوفتا شاخک وزیراعظم فلڈ ریلیف فنڈ 2022 اٹی عطیہ جمع کننگ کیرہ۔ پیشن نا ملک پاکستانیک ٹرانسفر، منی سروس بیوروز، منی ٹرانسفر آپریٹرز و ایکسچینج ہاؤس آتا کمک اٹ ہم عطیہ غاتے گدریفنگ کیرہ۔ عطیہ غاتے غٹ کمرشل بینک آتیٹی نغد ہم جمع کرفنگ مریک۔ بینک آتا ڈراپ باسک اٹ کراس چیک، موبائل و انٹرنیٹ بینکنگ، اے ٹی ایم، اے بی ایف ٹی، راست انا کمک اٹ جمع کرفنگ مریک۔