مزن وزیر محمد شہباز شریف ءَ گوں   گتر  انویسٹمنٹ اتھارٹی ء، ڈل ءِ گند ءُ نند،  ھاٹیگ ،  بالی،  کشت ءُ کشار، لائیو سٹاک ، میری ٹائم، سیل ءُ سواد  ءُ مہمان نوازی  ءِ شوبگ ءَ سرمایہ کاری ءِ  دعوت  دات

دوحہ ۔23اگست  (اے پی پی): مزن  وزیر  محمد  شہباز شریف  ءَ گوں دوحہ ءَ گتر انویسٹمنٹ اتھارٹی کیو آئی اےءِ ڈل ءَ گوں  گند ءُ نند کت۔ گتر  انویسٹمنٹ اتھارٹی  دگنیا ءِ درستاں چہ مستریں وت مستریں  دولت  فنڈز آنی  تہءَ یک ات۔ سی ای او منصور بن ابراہیم الحمود  ءُ چیف انویسٹمنٹ  اپسرگ آف افریقہ ءُ ایشیا  پیسیفک ریجنز شیخ  فیصل تھانی  آل ثانہ ءَ گتر  انویسٹمنٹ  اتھارٹی ءِ  نماھند گی کت۔  مزن وزیر کارگس  ء، پریس ونگ ءِ  رد ءَ دو روچی سرکاری تر ءُ تاب ءَ  دوحہ  ءَ پجگ ءِ پد ءَ  مزن وزیر  ء، اے اولی  دزگٹی ات۔  مزن وزیر ءِ ھمبراہ  کابینہ ءِ ارزشتی ایں باسک ءُ مزن تکی کارندہ  ھم   ساڑی اتنت۔  شرپ مندیں  امیر  ءِ  دو چاری ءَ گتر ءِ ترند گامیں اقتصادی دیمروئی  آناں ساڑاھان ءَ مزن  وزیر ءَ اے گپ ءِ   درشان کت کہ پاکستان گتر   ءِ گوما وتی یکوئی آناں سک باز ارزشت دنت ءُ دوئیں ملک آنی نیام ءَ راوایتی  رنگ ءَ  گوانیں  سیاسی یکوئی آناں یک ٹوھیں اقتصادی ءَ  اپ گریڈ کنگ لوٹ ائیت۔  مزن وزیر  ءَ   دو نیمگی اقتصادی ءُ سرمایہکاری ءِ  دزگٹی ھاسیں رد ءَ   جوانیں ھاٹیگ ،  سولر  ءُ گوات ءَ چہ توان ءِ   پیداوار ، گوات،  زرئی،  صنعتی  ءُ بنیاتی کوکا  ءِ دیمروئی ءُ مہمان نوازی ءِ شوبگ آنی تہءَ  کمکآناں گیش ودینگءِ ضلورت  ءِ سر ءَ زور پر دات۔  مزن وزیر  ءَ منصور بن ابراہیم المحمود  ءُ شیخ فیصل  ثانی آل ثانی ءَ را پاکستان ءِ  تر ءُ تاب ءِ  دعوت دات تاکہ    گتر ءِ  تر ءُ تاب ءَ چہ پیداک بوھوکیں   دیمروئی گامگیج آناں  ودینگ  بہ بیت۔  پاکستان ءَ را یک  ترجئی ملک ءِنامینان ءَ، کیو آئی  اے  ءِ ڈلءَ پاکستان ءَ سرمایہ کاریءِ موہ ءَ را   جوانیں   ءُ برجائیں رنگ ءَ پولگ ءِ واستہ کیو آئی اے ءِ جھلانکیں   واھگ   ءُ تیاری ءِ  درشان کت۔