مزن وزیر محمد  شہباز شریف ءَ توان ءِ بل آنی  تہ ءَ  تاجر ءُ فکس  ٹیکس،  یک کروڑ 71 لکھ  کسٹیومر ءُ سئے لکھ  ٹیوب ویلز آنی واستہ فیول پرائس  ایڈجسٹمنٹ ھلاس کنگ ءِ جار جتگ،  گتر  ءَ پجگ   ءَ پد ھاسیں  تران 

دوحہ۔23اگست  (اے پی پی): مزن وزیر  محمد  شہباز شریف ءَ توان ءِ بل  آنی سر ءَ  تاجر  آنی سر ءَ فکس ٹیکس، یک  کروڑ 71 لکھ  کسٹیومر  آناں  سئے لکھ ٹیوب ویلز آنی  واستہ فیول  پرائس  ایڈجسٹمنٹ  ھلاس کنگ ءِ جار جنان ءَ گوشتگ کہ پیسریگیں  حکومت ءِ نااہلی ءَ چہ ملک  ڈکال ءِ  نزیک ءَ  سر بوتگ،   حکومت ءِ ھمبراہ داریں سیاسی پارٹی آنی جوانیں  ساپ دلیں  کوشست ءُ  ازمت  ءَ چہ ڈکال ءِ بیم  دور اتکگ، گران  بہائی  ءِ گر ءُ دار  ءَ زوت کامیاتی رس ائیت،  آئی ایم ایف ءَ گوں  شور ءُ مشور   ءَ  چہ پد  الس ءَ را ریلیف  دیگ ءِ پیسلہ  کتگ، گوستگیں حکومت ءِ چار سال ءِ نااہلی ءِ چا ماہ ءَ  چتور پسو دات کناں، پاکستان ءِ  الس  آناں  سما کنگ لوٹ ائیت کہ  آئی ءِ حکومت سرجمیں  کوشست ءِ  گوما  اے جاور آنی  مٹ کنگ ءِ واستہ واھشت ائیگ  انت۔  اے ھیالانی درشانی آئی ءَ سئے شمبے ءِ روچ ءَ گتر  ءَ  پجگ ءِ پد ءَ ھاسیں تران کنان ءَ کت۔  مزن وزیر ءَ گوشت   وھد ءِ  اے حکومت سروکی ءَ نشتگ  گڈا دیم ءَ  دو ٹوھیں  سیم سر بوتگ۔  پیسریگیں  حکومت ءِ  ھرابیں  کار کرد ءُ نااہلی آنی سبب ءَ ملک ڈکال    ءِ نزیک ءَ پج اتگ بوتگ،  ملکی جاور آناں  گہتر کنگ ءِ ضلورت بوتگ،  دومی پیسریگیں حکومت ءِ نااہلی ءُ ردئیں پالیشی  آنی سبب ءَ ملک ءَ گران بھائی ءِ  توپان  اتکگ،  دگنیا ءَ ھم ھمے جاور ھال بوتگ  انت،  استیں حکومت  گران بھائی ءَ را کم کنگ ءِ واستہ  شپ  روچ کوشست کنگ ءَ انت  ءُ ایشی ءِ واستہ گامگیج کنگ  ءَ انت   ،  بل ات کہ  جوانیں  کامیاتی نہ رستگ بلے شپ روچ کوشست ءَ انت  ءُ گران بھائی  ءِجن ءَ را بوتل ءِ توک ءَ  بند کنگ بوتگ،  گران بھائی ءِ سر ءَ  گر  ءُ دار  زوت کنگ  بیت۔  مزن وزیر ءَ گوشت کہ ملک ءِ معاشی مشکل آنی گیواری  ءِ واستہ  شپ روچ کار کنگ ءَ آں، استیں بجٹ  آنی تہ ءَ تاجر  آنی سر ءَ  فکس  ٹیکس  جنگ  بوتگ  ءُ  تاجر  آنی سر ءَ فکس  ٹیکس بجٹ  ءَ چہ  پیسر  یگیں  تران  آنی ھلاپ انت ، فکس ٹیکس  ءَ چہ  تاجر  آناں بے کساس مالی  بوجھ  آنی گوما دیم پہ دیمی  کنگ کپگ ءَ انت چوکہ  ٹیکس جنگ حکومت  ءِ  منشا بوتگ  ءُ   نہ کہ آئی  ءِ   پنت ءُ شون ءَ چہ  جنگ بوتگ، فکس  ٹیکس  ءِ جنوک آنی پجار کنگ ءِ واستہ کمیٹی جوڑ کنگ بوتگ۔   ایش کہ آ ایشی ءِ سرجمیں پٹ ءُ پول ءَ کن انت۔  تاجر  آنی سر ءَ 3 ہزار، 6 ہزار  ءُ 10 ہزار ءِ  کساس ءَ فکس  ٹیکس  جنگ بوتگ،  ایش نوں  ھلا س کنگ بوتگ انت  ءُ ایشی ءِ نوٹیفکیشن   جاڑی کنگ بوتگ،  فکس ٹیکس  ءِ ھلاسی ءَ چہ 42 ارب کلدار ءِ  ڈکال   ءُ وام آنی گوما  دیم  پہ دیمی انت بلے  اے ایندگر  آسراتی  آں چہ  سرجم کنگ بنت،  کسانیں تاجر آناں مشکلآنی تہ ءَ  دور دیگ نہ لوٹاں فکس  ٹیکس  ءِ مول ءُ مراد اے بوتگ کہ تاجر آناں انکم ٹیکس  ءِ ادارگ  آنی   پینگ آں چہ بچگ بہ بیت بلے ادا الٹا   بوھگ ءَ انت ، تاجر  آناں فکس  ٹیکس ءِ جٰڈھ  آنی سر ءَ   پریشان بوھگ ءِ ضلورت نہ انت۔  مزن وزیر ءَ گوشت کہ  ڈن ملک ءَ چہ اگاں  گیش قیمت  ءِ  سر ءَ  ٹیل درآمد  کنگ  بہ بیت گڈاس  ایندگر مال ءِ بل آنی تہ ءَ فیول   پرائس ایڈجسٹمنٹ   کنگ بیت ءُ ا گاں سستا تیل درآمد  بوت گڈا فیول   پرائس  ایڈجسٹمنٹ ءَ  توان ءِ بل آنی تہ ءَ کمک کنگ بیت  چوشکہ میاں  استمانی منڈی ءَ  ٹیل ءِ قیمت آنی تہءَ  بے کساس گیشی بوتگ  ھمے ھاترا جولائی  ءُ اگست ءَ فیول پرائس  ایڈجسٹمنٹ  ءِ  مد ءَ  باز گیشی بوتگ  ایش  لس مردم ءِ واستہ   سگگ ءِ  ھساب ءَ  نہ  انت   ءُ ایشی ءَ چہ کروڑانی   کسٹومر  آنی سرءَ بار  لڈگ بوتگ۔  اے جیڈھ  ءِ سر ءَ نوٹس زورگ بوتگ ءُ چار پنچ  روچ ءَ   چہ ایشی ءِ سر ءَ  چار ءُ بچار  بوھگ ءَ انت۔  مسلم لیگ ن  ءِ سروک میاں نواز شریف  ءِ  اے پنت ءُ شون بوتگ  کہ  کہ  اچ وڑ ءَ ایش منگ بوت نہ کنت۔  میاں نواز شریف ءُ  ھمبراہ داریں  سیاسی پارٹی آنی سروک آنی گوما  شور ءُ مشور  ء۔ چہ فیول پرائس  ایڈجسٹمنٹ  ءِ وصولی ھلاس کنگ بوتگ ، آئی ایم ایف  ءَ  گوں  شور ءُ مشور ء۔ چہ پد الس آناں ریلیف  دیگ ءِپیسلہ کتگ  ءُ توان ء،  سئے کروڑ   کسٹومر   آنی تہءَ  یک کروڑ  71 لکھ   کسٹومر   آنی واستہ فیول  ایڈجسٹمنٹ  چارجز  ھلاس کنگ بوتگ۔  باقی  ییک کروڑ 30 لکھ کسٹومر   ایشانی تہءَ  سیر لاپ ھوار انت، آواناں  ھمریلیف دیگ ءِ  ھوالگ ءَ  چار ءُ بچار کنگ  بوھگ ء۔ انت۔  مزن وزیر ءَ گوشت کہ  سکیں ساھت ءَ گوں  دیم پہ دیم آں،  گتر مئے دومی گس انت،  گتر ءِ گوما تجارت ءُ سرمایہکار ءِ ھوالگءَ تران  بوتگ تانکہ پاکستان ءِ الس  آنی وشھالی ءِ واستہ   منصوبگ بندات کنگ بہ بیت ءُ ایشانی  عملدرآمد  بہ بیت،  الس آنی وشھالی ءِ واستہ  شپ ءُ روچ  محنت  کنگ ءَ آں،   السی گہبود منصوبگ  آنی سرءَ سیاست کنگءِ   ھوالگ ءَ دل یکیم نہ داراں بلے 2019  ءَ  ایشی ءَ چہ  پد  منصوبگ آنی سر ءَ  عملدرآمد  ءِ  ھوالگءَ مارا چہ جست  گرگ بوتگ  ،  گوستگیں حکومت ء، چار سال ءِنااہلی ءِ چار ماہ آنی تہءَ پسو چتور دات کناں۔  مزن وزیر   ءَ گوشت کہ بنجاھی وزیر توان خر  دستگیر  مرچی چار شمبے ءِ رفوچ ءَ پریس کانفرنس ءَ  فیول پرائس ایڈجسٹمنٹ  ءِ  ھوالگ ءَ    پیسلہ  آنی پد ءُ رند ءِ ھوالگ ءَ  سرجمیں  ھال آنی بابت ءَ سرجم  کنت۔   آئی ءَ گوشت کہ  سئے لکھ  ٹیوب ویل آناں  ھم  فیول پرائس ایڈجسٹمنٹ  ءَ چہ  شید ءُ  بید کنگ بوتگ ،  آواناں ھم اچ ادائیگی کنگی نہ  کپ ائیت، حکومتی گامگیج  آنی تہءَ پاکستان  ءِ الس آناں  احساس  بیت کہ آئی ءِحکومت  سرجمیں  کوشسوت  ءِ گوما   جاور آنی مٹ کنگ ءِ  واستہ کوشست کنگ ءَ انت۔