کراچی۔ 23 اگست (اے پی پی) پاک بحریہ نا ساڑی آ پِر و نوکاپ آن زہمی سندھ انا چندی علاقہ غاتیٹی کمکی آپریشن برجاءِ۔ جاری اعلامیہ نا رداٹ پاک بحریہ نا ورنا سجاول، شاہ بندر، کیٹی بندر، جاتی، چوہڑ جمالی، گھوٹکی، مرید کھوسو و میر پور خاص نا علاقہ غاتیٹی کمکی سرجزآتیٹی بشخ ہلنگ ءُ۔ پاک بحریہ نا میڈیکل و غوطہ خور ٹیمک ہندی بندغ آتے ریسکیو ، ریلیف و طبی آسراتی تا فراوانی کن اختہ ءُ۔ اعلامیہ ٹی پاننگاکہ پاک بحریہ سول انتظامیہ نا کمک اٹ زہمی علاقہ غاتیان دیر تا کشنگ و زہمی تے راشن و پین کمکی گڑافراوان کننگ ءِ۔ پاک بحریہ نوکاپ زہمی تا کمک و پورو بحالی کن سنبرینگوک ءِ۔
