اسلام آباد۔ 23 اگست (اے پی پی) وزیراعظم شہباز شریف قطر انا 2 دے ئی سرکاری دورہ غا روانہ مس۔ وزیراعظم آفس نا میڈیا ونگ آن جاری بیان نارداٹ وزیراعظم اینو(سے شنبے نادے) 2 دے ئی (23 آن 24 اگست ) دورہ ءِ قطر اکن اسلام آبادآن دوحہ روانہ مسنے۔ وزیراعظم امیر قطر شیخ تمیم بن حمد آلثانی نا سلہ غا قطر انا دورہ ءِ کننگ ءِ۔ وزیراعظم نا دورہ ءِ قطر، پاکستان قطر ہڑتوم آ کنڈآتا تعلقداری، واپار، زرکاری و علاقائی امن کن ہڑتوم آ ملک آتا کمکاری نا مون آ دننگ کن بھاز اہمیت تخک۔ وزارتِ عظمیٰ نا سنبھالنگ آن پد وزیراعظم نا اولیکو دورہ قطر اٹی پاکستان اٹی کشت وکشار، قابل تجدید توانائی، ہوابازی، انفراسٹرکچر، سیل و سوات، لائف اسٹاک، کنوئی آ گڑاتا برآمدی صنعت و ایلو بشخ آتیٹی قطری زرکاری ءِ مون آ دننگک۔ دورہ قطر اٹی وزیراعظم امیر قطر و قطر انا بڑزکو سرکڑدہ غاتون اوڑدہی کیک۔
