اسلام آباد۔ 23 اگست (اے پی پی) وزیراعظم شہباز شریف سے شنبے نادے آ قطر انا 2 دے ئی سرکاری دورہ غا سرمسنے، قطر اناوزیر ٹرانسپورٹ جاسم سیف السلیطی دوحہ نا ہوائی اڈہ غا وزیراعظم ءِ بخیر کرے۔ وزیراعظم آفس نا میڈیا ونگ آن جاری بیان نا رداٹ وزیراعظم امیر قطر شیخ تمیم بن حمد آل ثانی نا سلہ غا قطر انا دورہ ءِ کننگ ءِ۔ وزیراعظم نا دورہ ءِ قطر ، پاکستان قطر ہڑتوم آ کنڈآتا تعلقداری، واپار، زرکاری و علاقائی امن کن ہڑتوم آ ملک آتا کمکاری نا مون آ دننگ کن بھاز اہمیت تخک۔ وزارت عظمیٰ ءِ سنبھالنگ آن پد وزیراعظم نا اولیکو دورہ قطر اٹی پاکستان اٹی کشت وکشار، قابل تجدید توانائی، ہوابازی، انفراسٹرکچر، سیل و سوات، لائف اسٹاک، کنوئی آ گڑاتا برآمدی صنعت و ایلو بشخ آتیٹی قطری زرکاری ءِ مون آ دننگ ملک۔ دورہ قطر اٹی وزیراعظم، امیر قطر و قطر انا ایلو بڑزکو سرکڑدہ غاتون اوڑدہی کیک۔
