اسلام آباد۔ 22 اگست (اے پی پی) وزیراعظم شہباز شریف ملک، خاص وڑاٹ سندھ و بلوچستان اٹی نوکاپ نا حالیت آتیا اینو( دوشنبے نادے ) آ دیوان اس بٹنگانے۔ وزیراعظم آفس نا میڈیا ونگ آن جاری بیان نا رداٹ وزیراعظم ہاؤس اٹی دیوان اٹی بڑزکو کمامدار آک نوکاپ زہمی تا ریسکیو ، ریلیف و بحالی نا بابت گام گیج آتا جاچ ءِ ہلیرہ۔ دیوان اٹی وزیراعظم ءِ نوکاپ زہمی تے نغد زر و زر تلافی نا زرتس آ حوال تننگک۔ وزیراعظم نا تدوک آ دے آرمی چیف جنرل قمر جاوید باجوہ و چیئرمین این ڈی ایم اے لیفٹیننٹ جنرل اختر نواز تون ٹیل فون آ گپ وتران مسوسس۔ وزیراعظم آرمی چیف تون صوبہ سندھ اٹی کمکی کارروائی تا بابت امور آ گپ وتران کریسس۔ وزیراعظم صوبہ سندھ اٹی رابطہ سڑک و پول آتا بھسکاری نا سوب آن ہیلی کیپٹر آتا فراوانی نا پارت کریسس۔ وزیراعظم ءِ اینو نا دیوان اٹی ہیلی کیپٹر آتا کمک اٹ کمکی کارروائی تا بارواٹ معلومدار کننگک۔ نوکاپ نا سوب آن صوبہ سندھ و بلوچستان اٹی ڈغار رابطہ نا کشکنگ نا سوب آن ریسکیو و ریلیف نا فراوانی ٹی مشکل مون تروک ءِ۔ بے نظیر انکم سپورٹ پروگرام نا رداٹ 25 ہزار نا دمدستی نغد زر انا فراوانی نا عمل نا جاچ ءِ ہلنگک۔ وزیراعظم صوبہ سندھ انا نوکاپ زہمی تیٹی دمدستی نغد زر بشخنگ نا تدوک آ دے پرمان کریسس۔
