اسلام آباد۔ 22 اگست (اے پی پی) وزیراعظم شہبازشریف بجلی نا زیات بل آتا بابت السی غاوتا سخت نوٹس ءِ ہلسا تعلقدار کمامدارآتیان دمدستی سرجم رپورٹ ءِ بٹنگا، دا چرجوئی ٹی دوشنبے نادے آ داڑے وزیراعظم شہباز شریف نا کماشی ٹی دیوان مس۔ دیوان اٹی بنجائی وزیر بجلی خرم دستگیر، خصوصی کمکار احد چیمہ و تعلقدار بڑزکو کمامدارآک بشخ ہلکر۔ وزیراعظم پارے کہ الس نا غاوتا پوروی اسکان آسرات تولپرہ۔ خادم پاکستان السی ویل آتا ایسری کن تینا الس نا جوابدہ ءِ۔ ای تینا الس تون مدام سچ پاننگ نا قول آ سلوک اُٹ۔ وزیراعظم تعلقدار کمامدارآتے بجلی نا بل آتا بابت السی غاوتیا اولیتی بنداو تیا سرجم رپورٹ و سلاہ و سوج شین ترسا پیش کننگ نا پارت جاری کرے۔
