اسلام آباد۔ 22 اگست (اے پی پی) وزیراعظم محمد شہباز شریف نا پارت آ نوکاپ زہمی تا دمدستی مالی کمک کن 37.2 ارب روپئی نا فلڈ ریلیف کیش پروگرام نا رداٹ زر آتا بشخنگ نا عمل ءِ ترند کننگانے وخت اس کہ نوکاپ زہمی تا بحالی و تعمیر نو کن پرائم منسٹر ریلیف فنڈ اس ہم جوڑ کننگانے، نوکاپ اٹی زوال کروک آبندغ آتا خاہوت ءِ فی کس 10 لکھ روپئی وخت اس کہ ہر زہمی اُرانا پوسکن تفنگ کن 5 لکھ روپئی فراوان کننگک، این ڈی ایم اے و بے نظیر انکم سپورٹ پروگرام نا شریداری اٹ مچ آ ملک اٹی نوکاپ زہمی تا مالی کمک کن پرائم منسٹر فلڈ ریلیف کیش کمکار پروگرام نا بلوچستان نا ضلع جھل مگسی آن بناءِ کننگانے۔ وزیراعظم محمد شہباز شریف نا جوزہ و لگن آن ڈکھیائی انسانیت نا خذمت نا عزم انا رداٹ مچ آ ملک خاص وڑاٹ بلوچستان نا نوکاپ آن زہمی علاقہ غاتیٹی ریلیف و بحالی نا کمکی کوشست آک ترندی اٹ برجاءُ۔ وزیراعظم محمد شہباز شریف نا پارت آ نیشنل ڈیزاسٹر مینجمنٹ اتھارٹی، صوبائی ڈیزاسٹر مینجمنٹ اتھارٹی و صوبائی و ہندی حکومت و انتظامیہ نا کنڈآن نوکاپ زہمی تا رکھ ہند آتیا فلڈ ریلیف کیمپ آتیا گدریفنگ، راشن و ریلیف نا گڑا، تمبو، بستر، ڈی واٹرنگ پمپ و کشتی تا فراوانی ، رابطہ سڑک و پول آتا بحالی کن ہرممکن وسیلہ غاتے کاریم اٹ اتنگ انگ ءِ وخت اس کہ وزیراعظم تینٹ ہم نوکاپ آن زہمی علاقہ غاتا دورہ ءِ کننگ ءِ۔ وزیراعظم نا عزم ءِ کہ مشکل نا داساہت اٹ ہم وطن آتون سلنہ و نوکاپ زہمی تے ولدا آباد کرسا نشان ایتنہ، زہمی خاہوت و علاقہ غاتا رونق و بشخندہ غاتے پدی اتینہ۔ پرائم منسٹر فلڈ ریلیف کیش کمکار پروگرام نا بلوچستان نا ضلع جھل مگسی آن بناءِ کننگانے و فی خاہوت ءِ بیست ءُ پنچ ہزار فراوان کننگک۔ زرانا تننگ کن مچ آ ملک اٹی خصوصی کیمپ آتے جوڑ کننگ انگ ءِ، برامی آ زالبول و جنوزان تے اولیتی بنداو تیا مالی کمک فراوان کننگک۔ نوکاپ زہمیک اہلیت ءِ ہُننگ کن تینا قومی شناختی نمبر ءِ 8171 آ ایس ایم ایس کیر، نادرا ریکارڈ آن پک کننگ آن پد نوکاپ اٹی زوال کروک 493 بندغ آتا خاہوت آتیٹی دہ دہ لکھ روپئی نا کمکی چیک بشخنگانے۔ وزیراعظم محمد شہباز شریف نا کنڈآن این ڈی ایم اے ءِ نوکاپ زدہ علاقہ غاتیٹی ریسکیو ریلیف آپریشن کن 5 ارب روپئی فراوان کننگانے، داکان بیدس اُراتا پوسکن تفنگ کن پنچ لکھ روپئی فی اُراءِ تننگک۔ پرائم منسٹر ریلیف فنڈ اس ہم جوڑ کننگانے ہراٹی الس تینا عطیہ غاتے جمع کرفنگ کیک، پرائم منسٹر ریلیف فنڈ اکاؤنٹ G-12164ءِ۔ وزیراعظم نا پارت آ مشکل ساہت اٹی تینا تتون تفنگ نا عزم انا رداٹ وزیراعظم فلڈ ریلیف کیش پروگرام نا کمک اٹ نوکاپ آن زہمی 15 لکھ حقدار خاہوت آتا 90 لکھ بندغ آتیکن بائیو میٹرک پک کننگ آن پد بیست ءُ پنچ ہزار روپئی فی خاہوت زہمی علاقہ غاتیٹی شریدار بینک آتا خصوصی کیمپ آتا کمک اٹ زر انا ادائیگی کننگک ہراڑکن 8171 آن اوفتے راہشونی ایس ایم ایس گدریفنگک۔ داکان بیدس سروے نا پوروی آن پد ہر زہمی اُرانا پوسکن تفنگ کن پنچ لکھ روپئی فی اُرا و زوال کروک آ بندغ آتا وارث آتیکن دہ لکھ روپئی فی خاہوت امداد تننگک۔ دوئی معلومداری تا رداٹ دا رداٹ داتم اسکان 542 آن 493 زوال کروک بندغ آتا خاہوت آتے بذریعہ چیک زرتننگانے و ریلیف آپریشن کن این ڈی ایم اے ءِ پنچ ارب نا فراوانی کننگانے۔ وزیراعظم محمد شہباز شریف الس نا خادم نا وڑاٹ نوکاپ نا زہمی تے دا باور کرفینے کہ ہراتم اسکان آخیریکو اُراآباد مفک آسرات تولپرہ و کنا نم تون دا قول ءِ ۔ وزیراعظم قوم آن ہم خواست کرے کہ نم ہم مون آ ببو مصیبت زدہ ہم وطن تا بحالی کن پرائم منسٹر فلڈ ریلیف آن فنڈ اٹی است انا حب اٹ عطییہ ایتبو۔
