اسلام آباد۔ 22 اگست (اے پی پی) وزیرخارجہ بلاول بھٹو زرداری مچ آ پاکستان اٹی برجا بشام نا پِر و نوکاپ آن مروک آ بھلا جانی و مالی نسخان تا رداٹ جرمنی، ڈنمارک، سویڈن و ناروے نا سرکاری دورہ ءِ پدبٹے۔ دفترخارجہ نا ترجمان نا کنڈآن جاری بیان نا رداٹ وزیرخارجہ یورپ اتون پاکستان نا پدریسہ رابطہ غاتا بشخ انا وڑاٹ دا ملک آتا تینا ہم منصب و ایلو سرکاری عہدیدار و میڈیا تون گپ وتران نا چاری ءِ۔ ترجمان پارے کہ وزیر خارجہ نا تعلقدار ملک آتا دارالحکومت آتا دورہ غاتے میزبان حکومت آتون سلابت آن پد تین پہ تینی امنائی اٹ طے مروک تاریخ آتیا دُوارہ ترتیب تننگک۔
