اسلام آباد۔ 22 اگست (اے پی پی) سی پیک گوادر نا راجی و اقتصادی شونداری ٹی اہم کڑد ادا کننگ ءِ۔ گوادر پورٹ کمامدارآتارداٹ چین پاکستان اقتصادی راہداری نا رداٹ گوادر راجی و اقتصادی شونداری نا بابت اسہ روشنا ءُ دور اسے آن گدرینگ انگ ءِ۔ بندرگاہ نا تفنگ نا بنائی ریسہ غاک ہموفک ئسر ہراتم بنداوی پنجر اٹی غٹ آن زیات بدلی بس۔ گوادر نا چنکا ماہی گیری شار داسہ اسہ اہم اقتصادی و سیل و سواتی ہند اس جوڑ مسنے۔ گوادر پورٹ فعال ءِ و ایل پی جی بوٹس، بلک کار گو و کنٹینرآتے ہینڈل کننگ نا لائخی تخک۔ گوادر فری زون اٹی ملکی و جہانی کہول آ 50 آن زیات کاروباری ادارہ غاک رجسٹریشن کرفینو و کاریم کننگ ءُ۔ گوادر فری زون اٹی صنعت کاری آن پاکستان نا شونداری نا پوسکن آ دور بناکیک۔ پاکستان سویلی ایشیاٹی پیدواری مرکز نا وڑاٹ مون آ بننگ ءِ و دا پاکستان نا کرنٹ اکاؤنٹ نسخان ءِ کم کیک و دانا درملکی کوڑی تیٹی ودکی مریک۔
