اسلام آباد۔ 22 اگست (اے پی پی) الیکشن کمیشن توشہ خانہ ٹیکی تے پاش کپننگ آ عمران خان نابودی نا مقدمہ ٹی عمران خان نا مسہ ہفتہ نا وخت تننگ نا خواست ءِ مسترد کرسا سماعت ءِ 29 اگست اسکان پد بٹے۔ چیف الیکشن کمشنر راجہ سکندر سلطان نا کماشی ٹی مسہ باسکی بنچ عمران خان نا توشہ خانہ ریفرنس اٹی نابودی نا برخلاف دائر درخواست آ سماعت کرے۔ عمران خان نا وکیل گوہر خان موقف تینا کرے کہ گوشوارہ غاتیا مبنی دستاویز آتے دوئی کننگ کن وخت درکار ءِ، مسہ ہفتہ نا وخت تننگے۔ چیف الیکشن کمشنر سماعت اٹی ریمارکس تس کہ الیکشن کمیشن اٹی پاش کروک میرات آتا دستاویز تو عمران خان تون مروئے، مسہ ہفتہ تننگ کپنہ۔ الیکشن کمیشن سماعت ءِ 29 اگست اسکان پد بٹے۔
