کوئٹہ۔21اگست (اے پی پی):پروینشل ڈیزاسٹر مینجمنٹ اتھارٹی (پی ڈی ایم اے) بلوچستان ءَ گوشتگ کہ 24 کلاک آنی ساھت ءَ کم کم ءَ ھور ءَ جعفر آباد (تحصیل اوستہ محمد اور گنداخہ)، بارکھان، خضدار ءُُ نصیر آباد ءَ را آماچ کتگ، دومی نیمگ ءَ سبی، ژوب، لسبیلہ، پشین، لورالائی، مسلم باغ، قلات، کوئٹہ ءُ زیارت ءَ ھم ھور بوھگ ءَ انت۔ ادارگ ءِ نیمگ ءَ جاڑی بوتگیں بیان ءِ رد ءَ گوستگیں روچ ءَ اسپیل ءَ رسانک ءِ بنیاتی کوکار ءَ را بازی آماچ کتگ ھاسیں رنگ ءَ لستیں ھند آنی تہ ءَ لستیں جاہ ءَ ٹریفک ءَ چلائینگ ءِ واستہ ڈائیورژن جوڑ کنگ بوتگ۔ جعفر آباد ءَ سدانی کساس ءَ گس کپتگ ءُ 9 مردم بیرا بوتگ انت ، اوستہ محمد ءَ 6 مردم ، بارکھان ءَ 3 مردم بیران بوتگ ءُ یک مردم ءِ ٹپیگ بوتگ۔ خضدار ءَ ساسول ءَ چھت ءِ کپگ ءِ سبب ءَ یک مردم ءِ بیران بوتگ۔ ارناج ءِ ھند ءَ پستگیں 6 مردم آناں ایف سی ءِ ٹروپ آں بچارینتگ ءُ محفوطیں ھند ءَ روان داتگ۔
