کراچی۔21اگست (اے پی پی):اردن ءِ کوئین سارہ زید یک شمبے ءِ روچ ءَ پاکستان ءِ تر ءُ تاب ءَ جناح انٹر نیشنل ائیر پورٹ کراچی ءَ پج اتگ ادا آئی ءَ را وش اتک بنجاھی وزیر گریبی ءِ ھلاس کنوک ءُ چاگردی پھریزوک شازیہ عطا مری ءُ ایڈمنسٹریٹر کراچی ءُ ترجمان سندھ حکومت بیرسٹر مرتضیٰ وہاب ءَ کت۔ جاڑی بوتگیں بیان ءِ رد ءَ اردن ءِ شہزادی سارہ زید سر وزیر سندھ سید مراد علی شاہ ءُ ایندگر کارندہ ں گند ءُ نند ءَ ابید ضلع بدین ءَ بے نظیر نشومہ پروگرام ءِ بنجاھ ءِ تر ءُ تاب ءَ کنت۔ ادا اے گپ لائک ءِ ستا انت کہ کوئن سارہ زید چک ءُ ماتی ءُ چِلگی نونُک آنی وردن ءُ وراک ءِ ھوالگ ءَ کار کنت ءُ آ یونائیٹڈ نیشن ءِ پروگرام برائے وردن ءُ وراک ءِ گوما یکجائی ءَ زالبول، زھگ ءُ چلگی نونُ آنی ھاسیں ضلورت ءُ ھمزوری آنی بابت ءَ سرپد آناں گیش ودینگ ءِ ھوالگ ءَ کار ھم کنگ ءَ انت۔
